பட்டர்வெத், டிசம்பர் 14:
எதிர் வரும் 2020-இல் பாக்காத்தான் ஹாராப்பான் கூட்டணி அரசாங்கம் மீதமுள்ள 40% தேர்தல் வாக்குறுதிகளை நிறைவேற்ற வேண்டிய முக்கிய காலகட்டம் என நிதியமைச்சர் லிம் குவான் எங் கூறினார். இதற்கு முன், பிரதமர் துன் டாக்டர் மகாதீர் பாக்காத்தான் 59% தேர்தல் வாக்குறுதிகளை நிறைவேற்றி விட்டதாக அறிவித்துள்ளது குறிப்பிடத்தக்கது. மீதமுள்ள வாக்குறுதிகள் 2023-க்குள் நிறைவேற்ற வேண்டும் என்று ஜனநாயக செயல்கட்சியின் பொதுச் செயலாளருமான குவான் எங் கூறினார்.
” 2020-ஆம் ஆண்டு நாம் கொடுத்த வாக்குறுதிகளை நிறைவேற்ற வேண்டிய தொடக்கமாக அமையும். இதன் மூலம் எதிர் வரும் 2023-க்குள் எல்லா வாக்குறுதிகளையும் செய்து முடிக்க முடியும்,” என்று பட்டர்வெத் டிஜிட்டல் நூலகத்திற்கு வருகை புரிந்த போது செய்தியாளர்களிடம் இவ்வாறு அவர் பேசினார்.