ஷா ஆலம், ஜன 22: ஜனவரி 17 அன்று காஜாங் நகராட்சி கழகம் மேற்கொண்ட நடவடிக்கையில் உணவு கையாளுதல் மற்றும் உரிமம் தொடர்பான குற்றங்களுக்கு ஏழு அபராதங்கள் வழங்கி மற்றும் ஒரு உணவகத்தை மூடியுள்ளது.
பாங்கி மற்றும் ஈகோ மெஜஸ்டிக்கைச் சுற்றியுள்ள ஒன்பது உணவு வளாகங்களில் ஊராச்சிமன்ற அமலாக்க பிரிவினர் சோதனை மேற்கொண்டனர்.
“உணவக தூய்மை திருப்திகரமாக இல்லாததாலும், 50 சதவீதத்துக்கும் குறைவான மதிப்பெண்கள் பெற்றதால், உணவு நிறுவன உரிமம் தொடர்பான சட்டத்தின் (MPKJ) 2007 ன் சட்டத்தின் 62ன் கீழ் ஒரு வளாகத்தை மூட உத்தரவிடப்பட்டது.
“டைபாய்டு காய்ச்சல் மற்றும் பிற நோய்களுக்கு எதிராக கவுன்சில் இயக்கிய நோய்த்தடுப்பு ஊசி மருந்துகளை பெறாதக் குற்றத்திற்காக இரண்டு அபராதங்கள் வெளியிடப்பட்டன,” என்று முகநூல் மூலம் தெரிவிக்கப்பட்டது.
மேலும், சபையினால் வழங்கப்பட்ட உரிமமின்மை, எண்ணெய் பொறிகளை நிறுவாமை மற்றும் பராமரிக்காமை மற்றும் உணவு ஸ்தாபன நடவடிக்கைகளை மேற்கொள்ளாமை ஆகிய குற்றங்களுக்காக தலா இரண்டு குற்றப்பதிவுகள் வழங்கப்பட்டதாக அவர் கூறினார்.
விற்பனை மற்றும் உணவு தயாரிப்பின் போது சுத்தமான கவசங்கள் மற்றும் தலையை மூடாத குற்றத்திற்காக ஒரு அபராதமும் விதிக்கப்பட்டது.
காஜாங் முனிசிபல் கவுன்சில் (MPKj) நகராட்சி மற்றும் சுகாதார சேவைகள் துறையின் சுகாதாரப் பிரிவின் உணவுப் பாதுகாப்பு மற்றும் பொது சுகாதாரக் கட்டுப்பாட்டுப் பிரிவைச் சேர்ந்த 6 பேர் ஆய்வில் ஈடுபட்டனர்.
