கோலாலம்பூர், மார்ச் 21 – ஆன்லைன் மோசடிகளால் பாதிக்கப் பட்டவர்களுக்குப் பணத்தைத் திரும்பப் பெற அனுமதிக்கும் வகையில் சட்டத்தில் உள்ள பல விதிகளை அரசாங்கம் ஆய்வு செய்து வருகிறது என்று செனட் சபையில் இன்று தெரிவிக்கப்பட்டது.
பிரதமர் துறையின் துணை அமைச்சர் (சட்டம் மற்றும் நிறுவன சீர்திருத்தம்) ராம்கர்பால் சிங் கூறுகையில், பணமோசடி தடுப்பு, குற்றவியல் நடைமுறைச் சட்டம், சட்டவிரோத நடவடிக்கை சட்டம் எண் 200 கீழ் மற்றும் தண்டனைச் சட்டம் ஆகியவை மதிப்பாய்வு செய்யப்பட்ட சட்டங்களில் அடங்கும்.
“அது தவிர, வெளிநாட்டில் இருக்கும் குற்றவாளிகளுக்கு எதிராக மேலும் நடவடிக்கை எடுக்கப் படுவதை உறுதி செய்வதற்காக, சர்வதேச அதிகாரிகளுடன் அதிக முயற்சிகள் மற்றும் ஒத்துழைப்பை அதிகரிப்பதன் மூலம் இந்த குற்றத்தை எதிர்த்துப் போராடுவதற்கான நடவடிக்கைகளை அரசாங்கம் செயல்படுத்தும்.
வங்கி நிறுவனங்கள் மற்றும் தொலைத்தொடர்பு நிறுவனங்கள் உட்பட பல்வேறு ஏஜென்சிகள் பணியாளர்கள் மற்றும் நிபுணர்களை ஒருங்கிணைக்கும் என்.எஸ்.ஆர்.சி. யின் செயல்பாட்டின் மூலம் அமலாக்க நடவடிக்கைகளையும் செயல்படுத்த முடியும் என்று ராம்கர்பால் கூறினார்.
“சந்தேகத்திற்குரிய நிதி பரிவர்த்தனைகளை கண்காணிப்பது, மோசடி செய்பவர்கள் பயன்படுத்தும் தொலைபேசி அழைப்புகளை கண்காணிப்பது, மோசடி செய்யப்பட்ட பண பரிமாற்றத்தை தடுப்பது மற்றும் மோசடி செய்பவர்கள் பயன்படுத்தும் தொலைபேசி எண்களை ரத்து செய்வது ஆகியவை இதில் அடங்கும்” என்று அவர் கூறினார்.
– பெர்னாமா
