கோலாலம்பூர், ஏப்ரல் 16: லங்காவியில் அடுத்த மாதம் நடைபெறும் லங்காவி சர்வதேச கடல் மற்றும் விண்வெளி கண்காட்சி (LIMA) 2023 இல் விண்வெளி மற்றும் கடல்சார் துறையில் இருந்து சுமார் 100 உடைமைகள் பார்வையாளர்களுக்கு காட்சிப்படுத்தப்படும்.
அல்பைன் சொலுசன்ஸ் (Alpine) எக்ஸிகியூட்டிவ் டைரக்டர் முஹம்மது அக்லான் பேக்லேப் கூறுகையில், கடல்சார் தொழிலில் இருந்து 35 முதல் 40 உடைமைகள் காட்சிக்கு வைக்கப்படும். மேலும் பார்வையாளர்கள் கடல்சார் உடைமைகளின் ‘சிறப்பு’ தோற்றத்தைக் காணலாம்.
“இந்த முறை சுகோய் ரஷ்யா, ஆகஸ்ட் 1 சீனாவில் இருந்து, பிளாக் ஈகிள்ஸ் (கொரியா), தி ஜூபிடர் ஏரோ பாட்டிக் (இந்தோனேசியா) உள்ளிட்ட நான்கு முதல் ஐந்து ஏர் ஷோக்கள் உள்ளன. இது மிகப்பெரிய ஏரோ பாட்டிக் ஷோ ஆகும்,” என்று அவர் பெர்னாமாவுக்கு அளித்த பிரத்தியேகப் பேட்டியில் கூறினார்.
இதற்கிடையில், அல்பைன் நிர்வாக இயக்குனர் அனிதா ஜேக்கப்சன் கூறுகையில், லிமா 2023 இன் அமைப்பாளரான அவர் இக் கண்காட்சிக்கு வர்த்தக பார்வையாளர்கள் மற்றும் பொது பார்வையாளர்கள், முறையே 45,000 மற்றும் 250,000 பார்வையாளர்கள் வருகை புரிவார்கள் என்று எதிர்பார்க்கப் படுவதாகத் தெரிவித்தார்.
லீமா 2023, முதல் மூன்று நாட்களுக்கு, அதாவது மே 23 முதல் 25 வரை, இது வர்த்தகப் பார்வையாளர்களுக்கு மட்டுமே திறந்திருக்கும். வெளிநாட்டில் இருந்து அல்லது நாட்டிற்குள் பயணம் செய்பவர்கள் தொழில் துறையினரை சந்தித்து அவர்களின் வணிகம் தொடர்பான விஷயங்களைப் பற்றி விவாதிக்க நாங்கள் வாய்ப்புகளை வழங்குகிறோம்.
“இறுதி இரண்டு நாட்களுக்கு (மே 26 மற்றும் 27), லிமா 2023 பொது பார்வையாளர்களுக்குப் பாதுகாப்பு உடைமைகள் மற்றும் தேசியப் பாதுகாப்பு தொடர்பான கண் காட்சிகளைக் காண திறந்திருக்கும்,” என்று அவர் கூறினார்.
லீமா 2023 கருப்பொருள் “ஆசியாவின் கடல் மற்றும் விண்வெளி வர்த்தக தொடர்பு” ஆகும். இந்நிகழ்வு மே 23 முதல் 27 வரை நடைபெறும்.
கண்காட்சியின் இந்தப் பதிப்பில் பாதுகாப்பு அமைச்சகம் (கடல் மற்றும் விண்வெளி பாதுகாப்புத் தொழில்துறை) மற்றும் போக்குவரத்து அமைச்சகம் (கடல் மற்றும் விண்வெளி வணிகத் தொழில்துறை) ஆகிய இரண்டு முக்கிய அமைச்சகங்கள் இடம்பெற உள்ளன.
இரண்டு ஆண்டுகளுக்கு ஒருமுறை நடக்கும் இக் கண்காட்சியானது கடந்த 2019 ஆம் ஆண்டு நடத்தப்பட்டது மற்றும் உலகைத் தாக்கிய COVID-19 தொற்று நோய் காரணமாக 2021 இல் நடைபெறவில்லை.
– பெர்னாமா
