கோத்தா பாரு, ஜூலை 3: நேற்று பாசிர் தும்போவில் உள்ள தாமான் டேசா டாருல் நைமில் உள்ள ஒரு வீட்டில், தனது முன்னாள் மனைவி ரோக்கியா அயூப் (42) என்பவரை கத்தியால் குத்திய தாகச் சந்தேகிக்கப்படும் நபர் ஒருவர் நேற்று முதல் 7 நாட்கள் தடுப்பு காவலில் வைக்கப்பட்டார்.
51 வயதான அந்த நபர், கொலைக் குற்றத்திற்காக தண்டனைச் சட்டம் பிரிவு 302 இன் கீழ் விசாரணைக்காக விளக்கமறியலில் வைக்கப்பட்டுள்ளனர் என்று கிளந்தான் காவல்துறைத் தலைவர் டத்தோ முகமட் சாக்கி ஹருன் தெரிவித்தார்.
“இந்த சனிக்கிழமை வரை அந்த நபர் விளக்கமறியலில் வைக்கப்பட்டுள்ளனர். மேலும் சந்தேகத்திற்குரிய நபரின் சிறுநீர் பரிசோதனையின் முடிவு போதைப்பொருளுக்கு எதிர்மறையானது” என்று முகமட் சாக்கி கூறினார்.
நேற்று, 14 முதல் 24 வயதுக்குட்பட்ட மூன்று குழந்தைகளின் ஒற்றைத் தாயான 42 வயதுடைய பெண் ஒருவர், தாமான் டேசா டாருல் நைமில் உள்ள தனது வாடகை வீட்டில் அவரது முன்னாள் கணவரால் குத்திக் கொல்லப்பட்டதாக கூறப்படுகிறது.
பாதிக்கப்பட்டவரின் முன்னாள் கணவரான சந்தேக நபரும், அதிகாலை 4 மணியளவில் தன்னைத் தானே கத்தியால் குத்தி கொண்டதால் பலத்த காயமடைந்துள்ளார்.
– பெர்னாமா
