ஷா ஆலம், ஜூலை 5: கிள்ளான் நகராண்மை கழகம் (எம்.பி.கே) ஏற்பாடு செய்துள்ள சுகாதாரக் கண்காட்சியில் இலவசச் சுகாதாரப் பரிசோதனைக்கு ஊடே தேசிய போலிங் வீரர் திம்மி டானைச் சந்திக்கவும் பொதுமக்களுக்கு வாய்ப்பு வழங்கப்பட்டுள்ளது.
ஸ்ரீ கோத்தா சிறப்பு சுகாதார மையத்துடன் இணைந்து இந்த நிகழ்ச்சி தாமான் ராக்யாட், கிள்ளானில் காலை 6.30 முதல் 10.30 மணி வரை நடைபெறும் என்று உள்ளூர் அதிகாரசபை தெரிவித்துள்ளது.
“சுகாதார பரிசோதனைகளில் அடிப்படை சோதனைகள், கண் பரிசோதனை, மேமோகிராம் மற்றும் புற்றுநோய் பரிசோதனை ஆகியவை அடங்கும்.
இந்நிகழ்வில் ஸ்ரீ கோத்தா சிறப்பு சுகாதார மையத்தைச் சேர்ந்த நரம்பியல் அறுவை சிகிச்சை நிபுணர் டாக்டர் ரவீந்திரன் வாசு அவர்களின் இலவசச் சுகாதார ஆலோசனையும் இடம்பெறும் என கிள்ளான் நகராண்மை கழகம் தெரிவித்தது.
மேலும், காவல்துறை, தீயணைப்புத் துறை மற்றும் எம்.பி.கே சுகாதாரத் துறையின் கண்காட்சிகளும் நடைபெறவுள்ளன.
இந்நிகழ்வைப் பற்றிய ஏதேனும் கேள்விகளுக்கு 03-3375 7799 நீட்டிப்பு 3313 அல்லது 3335 ஐ அழைக்கலாம்.
