எஹ்சான் ரஹ்மா விற்பனைத் திட்டம் நாளை மேலும் மூன்று இடங்களில் தொடர்கிறது

ஷா ஆலம், செப் 6: சிலாங்கூர் வேளாண்மை மேம்பாட்டுக் கழகம் (பிகேபிஎஸ்) எஹ்சான் ரஹ்மா விற்பனைத் திட்டத்தை (ஜேஇஆர்) நாளை மேலும் மூன்று இடங்களில் தொடர்கிறது. இந்நிகழ்வு காலை 10.00 மணிக்குத் தொடங்கும்.

அவை டத்தாரான் நியாக சியாந்தன், செலாயாங் முத்தியாரா, சுங்கை துவா; லோரோங் செராம்பாங் 1, ஜாலான் தெலோக் பூலாய், பண்டார் பாரு கிள்ளான் மற்றும் பாடி டுவி ஜூதாமாஸ் எஸ்டிஎன் பிஎச்டி கொள்முதல் மையம், செகிஞ்சன் ஆகியவை ஆகும்.

இந்த மலிவு விற்பனையில் ஒரு கோழி 10.00 வெள்ளிக்கும் ஒரு தட்டு பி கிரேட் முட்டை 10.00 வெள்ளிக்கும் ஒரு பாக்கெட் இறைச்சி 10.00 வெள்ளிக்கும் 5 கிலோ சமையல் எண்ணெய் 25.00 வெள்ளிக்கும் 5 கிலோ அரிசி 10.00 வெள்ளிக்கும் விற்கப்படுகிறது.

பொதுமக்கள் பி.கே.பி.எஸ் முகநூல் அல்லது http://linktr.ee/myPKPS என்ற இணைப்பின் மூலம் மலிவு விற்பனை நடைபெறும் இடங்களைப் பற்றி அறிந்து கொள்ளலாம்.