ஷா ஆலம், செப் 6: ஜனவரி முதல் ஜூலை வரை மாநிலத்தில் மொத்தம் 727 குடும்ப வன்முறை வழக்குகள் பதிவாகியுள்ளன. இதில் பாதிக்கப் பட்டவர்களில் பெரும்பாலானவர்கள் இல்லத்தரசிகள் ஆவர்.
குடும்பத்தில் ஏற்பட்ட தவறான புரிதலே இந்த வழக்கின் முக்கிய காரணம் என்று நம்பப்படுகிறது என சிலாங்கூரின் துணைக் காவல் துறைத் தலைவர் தெரிவித்துள்ளார்.
பாதிக்கப்பட்டவர்கள் 26 முதல் 45 வயதுக்குட்பட்டவர்கள் என்றும், உடல், உணர்ச்சி, பாலியல் துஷ்பிரயோகம் மற்றும் அச்சுறுத்தல் போன்ற பல்வேறு வன்முறைகள் எதிர்கொண்டவர்கள் என்றும் டத்தோ எஸ் சசிகலா தேவி வெளிப்படுத்தினார்.
“இல்லத்தரசிகள் தவிர, தொழில் வல்லுநர்கள் மற்றும் படித்தவர்களும் குடும்ப வன்முறையால் பாதிக்கப்படுகின்றனர். அதில் சில பாதிக்கப்பட்டவர்கள் காவல்துறையில் புகார் அளிக்காமல் இருக்க வாய்ப்பு உள்ளது,” என்றும் அவர் கூறினார்.
பாதிக்கப்பட்டவரின் உணர்ச்சிகளைப் பாதிக்கும் அளவுக்கு ஒரு தனிநபரின் கண்ணியத்தை அவமானப்படுத்தும் அல்லது வீழ்த்தும் மோசமான வார்த்தைகளைப் பயன்படுத்துவதும் துஷ்பிரயோகமாகக் கருதப்படுகிறது.
மேலும், துஷ்பிரயோகம் என்பது பாதிக்கப்பட்டவரை அடைத்து வைப்பது மற்றும் அவர்களுக்குப் பயத்தை ஏற்படுத்தும் வகையில் அச்சுறுத்தும் வகையில் நடந்து கொள்வது ஆகியவையும் அடங்கும் என்று சசிகலா கூறினார்.
கடந்த ஆண்டு, சிலாங்கூரில் மொத்தம் 1,285 வழக்குகள் பதிவாகியுள்ள நிலையில் 2021ஆம் ஆண்டு 1,751 வழக்குகளும் மற்றும் 2020ஆம் ஆண்டு 1,349 வழக்குகளும் பதிவாகியுள்ளன.
