கோலாலம்பூர், ஜன 23: கோலாலம்பூர் நகர மண்டபம் மற்றும் ராயல் மலேசியா காவல்துறையினருடன் பேச்சுவார்த்தை மூலம் தலை நகரில் போக்குவரத்து நெரிசல் பிரச்சனைக்குத் தீர்வு காண அரசாங்கம் உறுதிபூண்டுள்ளது.
இந்த பிரச்சனை நீண்ட காலமாக உள்ளது, அதற்கு தீர்வு காண வேண்டும் என பிரதமர் துறை அமைச்சர் (மத்திய பிரதேசம்) டாக்டர் ஜாலிஹா முஸ்தபா கூறினார்.
“தலைநகரில் போக்குவரத்து நெரிசல் ஏற்படுவதற்கான காரணம் பெரும்பாலும் சாலைப் பயனர்கள் வேலைக்குச் செல்வது மற்றும் பிற விஷயங்களை உள்ளடக்கியது என்பதை நாங்கள் அறிவோம். எனவே போக்குவரத்து நெரிசலைக் குறைக்க பொதுப் போக்குவரத்தை பயன்படுத்த நான் பொதுமக்களை ஊக்குவிக்கிறேன்,” என்று அவர் கூறினார்.
போக்குவரத்து நெரிசல் பிரச்சனையைச் சமாளிக்க அமைச்சரவைக் குழுவும் பல ஆலோசனைகளை முன்வைத்துள்ளது என்றார்.
“காலை 6 மணிக்குத் தொடங்கும் பீக் ஹவர்ஸ் மற்றும் வேலை முடிந்து திரும்பும் போது போக்குவரத்து நெரிசல்கள் ஏற்படுவதை நாங்கள் கண்டறிந்தோம்,” என்று அவர் கூறினார். ஒவ்வொரு நாளும் 1.3 மில்லியன் முதல் 1.5 மில்லியன் வாகனங்கள் தலைநகருக்குள் நுழைகின்றன என பதிவு காட்டுகிறது.
– பெர்னாமா
