ஷா ஆலம், ஜூலை 3: இரவில் கடுமையான உடற்பயிற்சிகள் தூக்கத்தின் தரத்தை சீர்குலைக்கும். இது ஒரு நபரின் இரத்த அழுத்தம் மற்றும் இதயத் துடிப்பை அதிகரிக்கும் என்று மாநிலப் பொது சுகாதார ஆலோசகர் கூறினார்.
இந்த சூழ்நிலையில் இதய இரத்த நாள அமைப்பில் அதிகப்படியான அழுத்தம் காரணமாக மாரடைப்பு அபாயத்துடன் மன அழுத்த ஹார்மோன்கள் அதிகரிக்கும் என டாக்டர் முகமட் ஃபர்ஹான் ருஸ்லி விளக்கினார்.
உடற்பயிற்சி நடவடிக்கை வலுவாக ஊக்குவிக்கப் பட்டாலும், எந்தவொரு தீவிரமான செயலையும் தொடங்குவதற்கு முன், தனிநபர்கள் தங்கள் சொந்த உடல் சமிக்ஞைகளை அறிந்து கொள்ளவும், மருத்துவரை அணுகவும் அவர் அறிவுறுத்துகிறார்.
“அவர்கள் இரவில் உறங்குவதற்கு முன் உடற்பயிற்சி செய்யும் போது, உடலில் மன அழுத்த ஹார்மோன்கள் அதிகரிக்கும்.
“இதய நோய் போன்ற பிரச்சனைகளும் அறியப்படாமல் இருக்கலாம். மேலும், விளையாட்டு போன்ற நடவடிக்கைகளில் ஈடுப் படும் போது பாதிப்பு ஏற்படாமல் இது காரணமாக இருக்கலாம்” என்று போர்டல் மூலம் அவர் கூறினார்.
தேவையற்ற விஷயங்களைத் தவிர்த்து, நோய்களை ஆரம்ப நிலையிலேயே கண்டறிவதற்காக வழக்கமான சுகாதாரப் பரிசோதனைகளை மேற்கொள்ளுமாறு மக்களைக் கேட்டுக் கொண்டார்.
கடந்த ஞாயிற்றுக்கிழமை, சீன ஜூனியர் பூப்பந்து வீரர் ஜாங் ஜி ஜீ, இந்தோனேசியாவின் யோக்யகர்தாவில் நடந்த ஆசிய யூத் பூப்பந்து சாம்பியன்ஷிப் போட்டியில் விளையாடிக் கொண்டிருந்தபோது மாரடைப்பால் இறந்தது உறுதி செய்யப்பட்டது.
