ஷா ஆலம், ஆகஸ்ட் 9: சேதமடைந்த பல சாலைகள் மற்றும் சமிஞ்சை விளக்குகள் குறித்து X பக்கத்தில் பொதுமக்களிடமிருந்து பெறப்பட்ட புகார்களின் அடிப்படையில் 24 மணி நேரத்திற்குள் மாநில சாலை பராமரிப்பு நிறுவனமான இன்ஃப்ராசெல் மூலம் அவை சரிசெய்யப்பட்டுள்ளன.
ஆகஸ்ட் 2 மற்றும் கடந்த திங்கள் ஆகிய நாட்களில் ஜாலான் காமிஸ் மற்றும் ஜாலான் பெலிம்பிங், மேரு, கிள்ளான் ஆகிய இடங்களில் சேதமடைந்த சாலைகளை செப்பனிடும் நடவடிக்கை மேற்கொண்டதாக இன்ஃப்ராசெல் தெரிவித்துள்ளது.
ஜூலை 24 அன்று ஜாலான் 2டி மற்றும் 4டி கம்போங் பாரு சுபாங்கில் சேதமடைந்த சாலைகளும், ஆகஸ்ட் 2ம் தேதி கோத்தா வாரிசன் சிப்பாங்கில் சேதமடைந்த சமிஞ்சை விளக்குகளையும் இன்ஃப்ராசெல் சரிசெய்தது..
“#INFRASEL #NamaJalan #Daerah” என்ற ஹேஷ்டேக்குடன் X பக்கத்தில் ஒரு ட்வீட்டைப் பதிவேற்றுவதன் மூலம் புகார் செய்யலாம் என அந்நிறுவனம் தெரிவித்துள்ளது.
பயனாளர்களின் வசதிக்காக சிலாங்கூர் பொதுப்பணித் துறையின் மேற்பார்வையின் கீழ் மாநிலச் சாலைகளைப் பராமரிக்கும் பொறுப்பு இன்ஃப்ராசெல் நிறுவனத்துக்கு வழங்கப்பட்டுள்ளது.
முன்னதாக, சேதமடைந்த சாலைகளைப் பற்றி X பக்கத்தின் மூலம் தெரிவிக்குமாறு பொதுமக்களை டத்தோ மந்திரி புசார் ஊக்குவித்தார்.
டத்தோஸ்ரீ அமிருடின் ஷாரியின் கூற்றுப்படி, சிலாங்கூரில் சாலை சேதங்களைப் புகாரளிக்கும் செயல்முறை தானாகவே வடிகட்டப்பட்டு சரிபார்க்கப்படுவதற்கு முன் தொடர்புடைய மேடையில் புகார்களுடன் எளிமைப்படுத்தப்பட்டுள்ளது.
