ஷா ஆலம், ஆகஸ்ட் 13: இன்றிரவு வானியல் அறிவியலின் ரசிகர்கள் பெர்சீட்ஸ் விண்கல் மழை என்று அழைக்கப்படும் ஒரு தனித்துவமான வான் நிகழ்வைக் காணும் வாய்ப்பைப் பெற்றுள்ளனர்.
இந்த சம்பவம் ஆகஸ்ட் 13 ஆம் தேதி விடியற்காலை வரை தொடரும் என்று எதிர்பார்க்கப்படுகிறது. சராசரியாக ஒரு மணி நேரத்திற்கு 100 விண்கற்கள் நாட்டின் வானத்தை கடக்கும் என மலேசிய விண்வெளி நிறுவனம் (MYSA) தெரிவித்தது.
பூமி சூரியனைச் சுற்றி வரும் நேரத்தில் ஸ்விஃப்ட்-டட்டில் என்ற வால் நட்சத்திரத்தின் சுற்றுப்பாதையைக் கடக்கும்போதும் இந்த நிகழ்வு ஒவ்வொரு ஆண்டும் நிகழ்கிறது.
“விண்கல் மழையின் தோற்றம் நன்றாகத் தெரியும். ஏனெனில் இந்த நிகழ்வின் உச்ச நேரத்தில் சந்திரன் நள்ளிரவில் மறையும்.
“Perseids Meteor Shower என்பது பெர்சீட்ஸ் விண்மீன் மண்டலத்தின் பகுதியில் உள்ள விண்கல் மழையின் தோற்றப் புள்ளி வானத்தில் தோன்றுகிறது. அதன் தோற்றம் இன்னும் பல்வேறு திசைகளில் இருந்து நிகழலாம்” என்று முகநூலில் அந்நிறுவனம் தெரிவித்துள்ளது.
பெர்சீட்ஸ் விண்கல் பொழிவைக் பார்க்க பயன்படுத்தக்கூடிய உதவிக்குறிப்புகள் இங்கே:
– நீங்கள் இருண்ட சூழல் மற்றும் (ஒளி குறுக்கீடு இல்லாத) பாதுகாப்பான திறந்தவெளியில் இருப்பதை உறுதிப்படுத்திக் கொள்ளுங்கள்.
– உங்கள் பார்வைக்கு உயரமான கட்டிடங்கள், மரங்கள் அல்லது வீடுகள் தடையாக இருக்கக் கூடாது.
– பிரகாசமான சூழல்களைத் தவிர்க்கவும். இருண்ட நிலை சிறந்தது.
– 20 நிமிடங்களுக்கு உங்கள் கண்களை இருண்ட நிலைக்கு ஏற்றவாறு பழகி கொள்ளவும்.
– இந்த விண்கல் மழையைப் பார்க்க பெர்சீட்ஸ் விண்மீன் மீது மட்டும் கவனம் செலுத்த வேண்டிய அவசியமில்லை, ஏனெனில் இது பல்வேறு திசைகளிலிருந்தும் எந்த நேரத்திலும் தோன்றும்.
