ஷா ஆலம், பிப் 21: சிலாங்கூர் யூத் கம்யூனிட்டி (SAY) ASPIRE திட்டத்தின் நான்காவது படிப்பிற்கான விண்ணப்பம், மேலும் அதிக நிறுவனங்களுக்குப் பங்கேற்கும் வாய்ப்பை வழங்குவதற்காக பிப்ரவரி 28 வரை நீட்டிக்கப்பட்டுள்ளது.
அதன் மேலாளர் அப்துல்லா முவாஸ் முகமட் நோர்மன் கூறுகையில், கடந்த ஜனவரியில் விண்ணப்பங்கள் திறக்கப்பட்டதில் இருந்து இதுவரை பல்வேறு துறைகளைச் சேர்ந்த மொத்தம் 31 நிறுவனங்கள் விண்ணப்பங்களைச் சமர்ப்பித்துள்ளது.
கடந்த வியாழன் வரை 24 நிறுவனங்கள் நேர்காணல் அமர்வுகளுக்கு அழைக்கப்பட்டுள்ளன. அவற்றில் 60 சதவீதம் உணவு மற்றும் பானங்கள் (F&B) துறையைச் சேர்ந்தவை ஆகும்.
“இத்திட்டத்தில் பங்கேற்க 30 நிறுவனங்கள் தேர்ந்தெடுக்கப்படுவதை நாங்கள் இலக்காகக் கொண்டுள்ளோம், மேலும் பங்கேற்பாளர்கள் பயனடைய விண்ணப்பப் பங்கேற்பு நீட்டிக்கப்படும்,” என்று அவர் சிலாங்கூர்கினியிடம் கூறினார்.
ஆர்வமுள்ள நிறுவனங்கள் விண்ணப்பங்களுக்கு www.entrepreneurshipselangor.
இத்திட்டம் இளைஞர்களுக்கு உலகளாவிய சந்தைக்குத் தயாரிப்புகள் மற்றும் சேவைகளைப் உருவாக்க உதவுவதை நோக்கமாகக் கொண்டுள்ளது.
ராஜா மூட சிலாங்கூர் தெங்கு அமீர் ஷாவால் நிறுவப்பட்ட “SAY“ நிறுவனம் மூலம் 2018 ஆம் ஆண்டு முதல் நிதிப் பயிற்சி, சந்தைப்படுத்தல் உத்தி மற்றும் வெளிநாட்டு சந்தைகளில் ஊடுருவுவதற்கான மூலோபாய திட்டமிடல் ஆகியவை செயல்படுத்தப்படுகிறது.
