சிப்பாங், மே 9: சிலாங்கூர் சுல்தான், மாநிலத்தில் அதிக முக்கியத்துவம் வாய்ந்த திட்டங்கள், குறிப்பாக மருத்துவமனைகள் மற்றும் கிளினிக்கு நிர்மாணிப்பு பணிகள் நிர்ணயிக்கப்பட்ட அட்டவணையின்படி முடிக்கப்பட வேண்டும் என நினைவூட்டினார்.
சுல்தான் ஷராஃபுடின் இட்ரிஸ் ஷா அல்ஹாஜ், எந்த ஒரு பிரச்சனையும் விரைவாகவும் திறமையாகவும் கையாள்வது சம்பந்தப்பட்ட நிறுவனம் கட்டுமானத்தை கவனமாகக் கண்காணிக்கவும் வேண்டும் என்றார்.
“சிலாங்கூரில் புதிய சுகாதார வசதிகள் மேற்கொள்ளப் படுவதால், மக்கள் மலிவு மற்றும் நியாயமான விலையில் சிறந்த சிகிச்சையைப் பெற முடியும்.
எனவே, பொது மருத்துவமனைகள் மற்றும் கிளினிக்குகள் கட்டுமானப் பணிகளை திறம்பட மேற்கொள்ளப்பட வேண்டும். அவை திட்டமிட்ட காலத்திற்குள் முடிக்கப்பட்டு மக்கள் நல்வாழ்வுக்காக திறம்பட செயல்பட வேண்டும்,” என்று சுல்தான் சிலாங்கூர் கூறினார்.
திட்டமிடப்பட்ட பராமரிப்பு மேற்கொள்ளப் படுவதை உறுதி செய்வது போன்ற அம்சங்களை கொண்ட வசதி மேலாண்மை அமைப்பு கொண்டிருக்க வேண்டும் என்றும் புதிய மருத்துவமனை நிர்வாகத்திடம் அவர் கேட்டுக் கொண்டார்.
“அனைத்து பழமையான சுகாதார சாதனங்கள் மற்றும் மருத்துவமனைகளில் மக்களுக்கு எந்தவொரு எதிர்பாராத இடையூறுகளும் நடப்பதைத் தவிர்க்க கவனமாக இருக்க வேண்டும்.
“சேதமடைந்த ஒவ்வொரு உள்கட்டமைப்பு மற்றும் உபகரணங்களும் மேம்படுத்தப்பட்டு நோயாளிகளின் வசதிக்காகவும், மக்களுக்கு ஆரோக்கியத்தை அணுகுவதற்கு இலகுவாகவும் மேம்படுத்தப்பட வேண்டும்,” என்று அவர் கூறினார்.
