ஷா ஆலம், மே 18: மே 18 மற்றும் 21 ஆம் தேதிகளில் ஷா ஆலம் எக்ஸ்பிரஸ்வேயில் (கேசாஸ்) இரண்டு “மாற்று (கான்ட்ரா) பாதைகள் திறக்கப்படும், இப் பாதைகள் வெஸ்ட் கோஸ்ட் & கோஸ்டல் எக்ஸ்பிரஸ்வே (டபிள்யூசிஇ) திட்டத்திற்காக மேற்கொள்ளப்படும் எக்ஸ்பிரஸ்வேயின் குறுக்கே மேம்பாலங்களை நிர்மாணிக்கும் பணியின் காரணமாக திறக்கப்படவுள்ளன.
23.0 கிலோமீட்டர் முதல் KM23.5 வரை இரு திசைகளிலும் இரவு 10 மணி முதல் காலை 5 மணி வரை கான்ட்ரா வழியை செயல்படுத்துவது கட்டம் கட்டங்களாக மேற்கொள்ளப்படும் என்று கேசாஸ் மற்றும் டபிள்யூசிஇ ஒரு கூட்டு அறிக்கையில் தெரிவித்தது.
“மே 18 அன்று கிழக்கு நோக்கிய கான்ட்ரா பாதையும் (சுபாங்/கோலாலம்பூர் திசை) மற்றும் மே 21 அன்று மேற்கு நோக்கிய கான்ட்ரா பாதையும் (ஷா ஆலம்/கிளாங் திசை) செயல்படும்” என்று அக் கூட்டறிக்கையில் தெரிவிக்கப்பட்டுள்ளது.
கேசாஸ் பயனர்கள் கவனமாக வாகனம் ஓட்ட அறிவுறுத்தப்படுகிறார்கள் மற்றும் மேம்பாட்டு பணியின் காலம் முழுவதும் குறிப்பிட்ட இடத்தில் உள்ள அடையாளங்கள் மற்றும் போக்குவரத்து அதிகாரிகள் அறிவுறுத்தல்களுக்கு கீழ்ப்படிந்து செயல்பட கேட்டுக் கொள்ளப்படுகிறார்கள்.
– பெர்னாமா
