ஷா ஆலம், ஜூன் 20: இங்குள்ள கம்போங் பாரு ஹைகோம் மக்கள் வீட்டுத் திட்டத்தில் (PPR) இடம்பெற்றுள்ள மறுசுழற்சி மையத்தில் வெகுமதி முறையை அறிமுகப்படுத்த KDEB கழிவு மேலாண்மை (KDEBWM) பரிசீலித்து வருகிறது.
அந்தப் பகுதியில் வசிப்பவர்கள் மறுசுழற்சி நடவடிக்கைகளில் ஈடுபடுவதற்கும் ஊக்குவிப்பதற்கும் இந்த திட்டத்தை அறிமுகப்படுத்த எண்ணம் கொண்டுள்ளோம் என்று அதன் நிர்வாக இயக்குநர் டத்தோ ராம்லி முகமட் தாஹிர் கூறினார்.
மறுசுழற்சி மையத்தில் QR ஸ்கேன் குறியீட்டு முறையை நிறுவ வேண்டுமா என்பதை மாநில அரசு மற்றும் சிலாங்கூர் வீட்டுவசதி மற்றும் சொத்துடன் அவரது தரப்பு விவாதிக்கும் என்றார்.
“இந்த நேரத்தில் நாங்கள் முதலில் மூன்று அல்லது நான்கு மாதங்களுக்கு இந்த மறுசுழற்சி மையத்தின் வளர்ச்சியை கண்காணிப்போம், அதன் பிறகு குடியிருப்பாளர்களை ஊக்குவிக்கும் வகையில் வெகுமதி வழங்குவது உட்பட அதை மேம்படுத்துவோம்.
“நாங்கள் க்யூஆர் ஸ்கேன் ஸ்டிக்கரை ஏற்பாடு செய்வோம். எனவே தனிநபர்கள் மறுசுழற்சி செய்யப்பட்ட பொருட்களை இங்கு வைக்கும்போது, க்யூஆர் ஸ்கேன் மூலம் பதிவு செய்தவர்களுக்கு ஊக்கத்தொகை வழங்கப்படும்.
“இத்திட்டத்திற்குச் சிறப்பான ஆதரவு கிடைத்தால் இந்த ஆண்டு குறைந்தது இரண்டு அல்லது மூன்று இடங்களில் இதே முறையைத் தொடர திட்டமிட்டுள்ளோம்,” என்று அவர் கூறினார்.
பிபிஆர் கம்போங் பாரு ஹைகோம் மறுசுழற்சி மையத்தின் திறப்பு விழாவின் பின்னர் நேற்று நடைபெற்ற ஊடகவியலாளர் சந்திப்பின் போதே அவர் இவ்வாறு தெரிவித்தார்.
வீட்டுவசதி, நகர்ப்புற நல்வாழ்வு மற்றும் தொழில்முனைவோர் மேம்பாடு துறை பொறுப்பு உறுப்பினர் ரோட்சியா இஸ்மாயில் விழாவிற்குத் தலைமை தாங்கினார்.
