புத்ராஜெயா, பிப் 28 – சிஜில் பெலஜாரன் மலேசியா (எஸ்பிஎம்) 2021 எழுத்துத் தேர்வுகள் புதன்கிழமை மார்ச் 2 தொடங்கி மார்ச் 29 வரை மொத்தம் 407,097 மாணவர்கள் எழுதுவார்கள் என்று கல்வி அமைச்சு (MOE) தெரிவித்துள்ளது.
நாடு முழுவதும் 3,382 பரீட்சை மையங்களில் நடைபெறவுள்ள இத்தேர்வைச் சுமூகமாக நடத்துவதற்காக 50,154 கண்காணிப்பாளர்கள் நியமிக்கப்பட்டுள்ளதாக அமைச்சு இன்று வெளியிட்டுள்ள அறிக்கையில் தெரிவித்துள்ளது.
“தேதி, நேரம், குறியீடு, தாள்கள் மற்றும் தேர்வின் போது பின்பற்ற வேண்டிய வழிமுறைகள் பற்றிய தகவல்களுக்கு எஸ்பிஎம் தேர்வு கால அட்டவணையைப் பார்க்குமாறு அனைத்து மாணவர்களும் நினைவூட்டப்படுகிறார்கள்” என்று கல்வி அமைச்சு கூறியது.
தேர்வு அட்டவணையை http://lp.moe.gov.my இல் உள்ள தேர்வுகள் சிண்டிகேட் (LP) அதிகாரப்பூர்வ இணையதளத்தில் இருந்து பதிவிறக்கம் செய்யலாம்.
தேர்வு எழுதவிருக்கும் மாணவர்கள் தங்கள் அடையாள அட்டை மற்றும் தேர்வு பதிவு சீட்டுகளை மையங்களுக்குக் கொண்டு வருமாறு நினைவூட்டப் படுகிறார்கள்.
மாணவர்கள் பள்ளிகள் மற்றும் தேர்வுகளின் செயல்பாடுகள் மற்றும் தேசிய பாதுகாப்பு கவுன்சில் மற்றும் சுகாதார அமைச்சகத்தால் வழங்கப்பட்ட கோவிட்-19 தடுப்பு குறித்த நிலையான செயல்பாட்டு நடைமுறைகள் மற்றும் வைரஸ் பரவுவதைத் தடுக்க அமைச்சகம் வழங்கிய வழிகாட்டுதல்களுக்கு இணங்க வேண்டும்.
வழிகாட்டுதல்களைக் கல்வி அமைச்சகத்தின் அதிகாரப்பூர்வப் போர்ட்டல் https://www.moe.gov.my இல் இருந்து பதிவிறக்கம் செய்யலாம்.
– பெர்னாமா
