அங்காரா, பிப் 14: தெற்கு துருக்கியில் பிப்ரவரி 6 ஆம் தேதி ஏற்பட்ட சக்திவாய்ந்த நிலநடுக்கத்தால் குறைந்தது 31,643 பேர் பலியாகியுள்ளதாக அனடோலு ஏஜென்சி தெரிவித்துள்ளது.
துருக்கியின் பேரிடர் மற்றும் அவசரநிலை மேலாண்மை (AFAD) அறிக்கையின்படி, 238,459க்கும் மேற்பட்ட பணியாளர்கள் தற்போது தேடல் மற்றும் மீட்பு (SAR) பணிகளை மேற்கொண்டு வருகின்றனர்.
தேடல் மற்றும் மீட்பு பணியில் 74 நாடுகளைச் சேர்ந்த 9,793 வெளிநாட்டு பணியாளர்கள் ஈடுபட்டுள்ளதாக துருக்கி வெளியுறவு அமைச்சகம் திங்கட்கிழமை அறிவித்தது. அதுமட்டுமில்லாமல் தேடல் மற்றும் மீட்பு பணிக்கு உதவ 170 ஹெலிகாப்டர்கள், 76 விமானங்கள் மற்றும் 26 கப்பல்களும் பாதிக்கப்பட்ட பகுதிக்கு அனுப்பப்பட்டன.
மேலும், உயிர் பிழைத்தவர்களுக்கு இடமளிக்க மொத்தம் 155,379 கூடாரங்கள் அமைக்கப்பட்டுள்ளன.
– பெர்னாமா