கோலாலம்பூர், ஏப்ரல் 6 – 2012 ஆம் ஆண்டு தேசிய பதிவுத் துறை (என்ஆர்டி) உருவாக்கிய `myIdentity ` அமைப்பு, பொதுச் சேவை பதவிகளுக்கு விண்ணப்பிக்கும் தனிநபர்களின் தகவல்களின் நம்பகத்தன்மையை சரிபார்க்க பொதுப் பணி ஆணையத்திற்கு (PSC) உதவியது.
தேசியப் பதிவுத் துறை அமைப்பின் ஒருங்கிணைப்பு பொதுப்பணி ஆணையம் விண்ணப்பதாரரின் குடியுரிமை நிலையை சரிபார்ப்பதற்கு உதவுகிறது. இது கட்டாயத் தேவையாகும், ஏனெனில் பொதுத்துறையில் பதவிகள் மலேசியர்களுக்கு மட்டுமே ஒதுக்கப்பட்டுள்ளது.
“என்ஆர்டி அடிப்படை தனிப்பட்ட தரவை பகிரும் நோக்கத்திற்காக அரசு நிறுவனங்களுக்கு myIdentity System வசதியையும் வழங்குகிறது.
வாடிக்கையாளரின் தனிப்பட்ட தகவலின் நம்பகத்தன்மையை உறுதிப்படுத்த, என்ஆர்டி தரவுகளுடன் ஏஜென்சியின் வாடிக்கையாளர் தரவைச் சோதிக்க, இந்த அமைப்பை அணுக ஏஜென்சிகளை அனுமதிக்கிறது,” என்று அறிக்கையில் கூறப்பட்டுள்ளது.
இதுவரை, 51 ஏஜென்சிகளுக்கு இந்த அமைப்பிற்கான அணுகல் வழங்கப்பட்டுள்ளது, அதே நேரத்தில் அணுகல் இல்லாத ஏஜென்சிகளுக்கு, தேவைகளுக்கு ஏற்ப திணைக்களத்திற்கு விண்ணப்பித்து தரவு மதிப்பாய்வு மேற்கொள்ளப்படலாம்.
2020 முதல் இந்த ஆண்டு மார்ச் 15 வரை பொது சேவை பதவிகளுக்கு விண்ணப்பிப்பதில் இருந்து வெளிநாட்டினர் மற்றும் தவறான அடையாளங்களைப் பயன்படுத்துபவர்கள் உட்பட 46,000க்கும் மேற்பட்ட நபர்களைப் பொதுப் பணி ஆணையம் கண்காணித்து தடுத்ததாக பெரிதா ஹரியான் தெரிவித்தது.
கடந்த இரண்டு ஆண்டுகளில் பொது சேவைத் துறையில் வழங்கப்பட்ட காலியிடங்களுக்கு விண்ணப்பிக்க தனிப்பட்ட தகவல்களை நிரப்பிய 2.2 மில்லியன் விண்ணப்பதாரர்களில் இவர்களும் அடங்குவர்.
– பெர்னாமா
