ஷா ஆலம், ஜூன் 12: அம்பாங் ஜெயா நகராண்மை கழகம் (எம்பிஏஜே) ஏற்பாடு
செய்துள்ள தூய்மையான, கவர்ச்சிகரமான மற்றும் நறுமணமுள்ள கழிப்பறைப்
போட்டியில் (பிஎம்டபிள்யூ) 2023யின் வெற்றியாளர்களுக்கு மொத்தம் RM13,000
ரொக்கப் பரிசு காத்திருக்கிறது.
பொது கழிப்பறைகளில் ஆறு பிரிவுகள் போட்டியிடுகின்றன. அவை இடைநிலை/மத
பள்ளிகள், வணிக மையங்கள், ஆரம்ப/மத பள்ளிகள், உணவகங்கள், வழிபாட்டு தளங்கள்
மற்றும் பெட்ரோல் நிலையங்கள் ஆகும்.
இப்போட்டி பொதுக் கழிப்பறைத் தூய்மையின் முக்கியத்துவம் குறித்து அம்பாங் ஜெயா
குடிமக்களிடையே விழிப்புணர்வை அதிகரிக்கவும் சமூகத்தின் வசதிக்காக இந்த
நடைமுறையை அமல்படுத்துவதை ஊக்குவிக்கவும் ஏற்பாடு செய்யப்பட்டுள்ளதாக
உள்ளூர் அதிகாரசபை தெரிவித்துள்ளது.
இப்போட்டியில் ஒவ்வொரு பிரிவிலும் முதல் இடத்தைப் பெறுபவருக்கு RM1,000
ரொக்கப் பரிசு வழங்கப்படும்.
"இப்போட்டியில் மூன்று முக்கிய கூறுகளுக்கு முன்னுரிமை அளித்துள்ளதாக உள்ளாட்சி மேம்பாட்டு அமைச்சர் இங்ஙா கோர் மிங்கின் கட்டளைக்கு இணங்க," அம்பாங் ஜெயா நகராண்மை கழகம் இதனை ஓர் அறிக்கையில் தெரிவித்துள்ளது.
எதிர்வரும் ஜூலை 1 முதல் அக்டோபர் 31 ஆம் தேதி வரை இப்போட்டிக்கான மதிப்பீடு
தொடங்கும்.
இப்போட்டிக்கு விண்ணபிக்க
https://docs.google.com/forms/
T1oSL5SlibYRwrQ/viewform என்ற இணைப்பை நாடவும் அல்லது அம்பாங் ஜெயா
நகராண்மை கழகச் சுகாதாரம் மற்றும் சுற்றுச்சூழல் துறையை 03-42857007 என்ற எண்ணில் தொடர்பு கொள்ளவும்.
