ஷா ஆலம், ஜூலை 23: கிராமப்புறங்களில் சிறப்புக் குழந்தைகளுக்கான பாலர் பள்ளி மையம் (அனிஸ்) தேவைக் குறித்து பல தரப்புடன் ஆலோசித்து ஆய்வு செய்யப்படுகிறது.
அதில் உள்ளூர் அதிகாரிகள், கூட்டாட்சி நிறுவனங்கள், தனியார் துறை மற்றும் அரசு சாரா நிறுவனங்கள் (NGOக்கள்) அடங்கும் என்று யாயாசன் வாரிசான் அனாக் சிலாங்கூர் (YAWAS) இன் பொது மேலாளர், கான் பெய் நெய் கூறினார்.
“இந்த அனிஸ் மையத்தின் கட்டுமானம் அதிகமான நபர்களுக்குப் பயனளிக்கும் வகையில் அமைய வேண்டும்.
“நாங்கள் சிலாங்கூர் கல்வி மற்றும் சுகாதார துறையுடன் இணைந்து தரவுகளையும் சேகரிக்கிறோம்,” என்று அவர் இன்று ராஜா துன் உடா நூலகத்தில் (பிபிஏஎஸ்) நடைபெற்ற அனிஸ் மையப் பட்டமளிப்பு விழாவில் சந்தித்தபோது கூறினார்.
அனிஸின் சிறப்பு உதவி குறித்து கருத்து தெரிவித்த அவர், இந்த மையம் கடந்த மார்ச் மாதம் திறக்கப் பட்டதில் இருந்து 1,000க்கும் மேற்பட்ட விண்ணப்பங்கள் வந்துள்ளதாக தெரிவித்தார்.
“ஒவ்வொரு ஆண்டும் நாங்கள் 1,000க்கும் மேற்பட்ட விண்ணப்பங்கள் பெறுகிறோம், ஆனால் சில மட்டுமே தகுதியுடையவை. இதுவரை, கிடைக்கப்பெற்ற விண்ணப்பங்கள் பரிசீலனை செய்யப்பட்டு, சிலவற்றுக்கு ஒப்புதல் அளிக்கப்பட்டுள்ளது.
“நிபந்தனைகளை பூர்த்தி செய்யும் விண்ணப்பங்கள் அதிகமாக இருப்பதால் இந்த உதவிக்கான ஒதுக்கீட்டை சிறிது அதிகரிப்பதை நாங்கள் எதிர்பார்க்கிறோம்,” என்று அவர் கூறினார்.
இந்த ஆண்டின் தொடக்கத்தில், ரவாங், கோலா சிலாங்கூர் மற்றும் கோலா லங்காட் உள்ளிட்ட கிராமப்புறங்களில் அனிஸ் மையங்கள் நிறுவப்படும் என்று டத்தோ மந்திரி புசார் அறிவித்தார்.
