பெட்டாலிங் ஜெயா, மார்ச் 11: இந்த ஆண்டு உணவுக்கூடை திட்டத்திற்கு மொத்தம் 1 மில்லியன் ரிங்கிட் எம்பிஐ ஒதுக்கியுள்ளது.
இந்த வருடாந்திர திட்டம் குறைந்த வருமானம் கொண்ட குழுக்களின் சுமையை ஓரளவு குறைக்கும் என்று அதன் பெருநிறுவன சமூகப் பொறுப்பின் தலைவர் கூறினார்.
“உணவு கூடை விண்ணப்பமும் இன்னும் திறக்கப்பட்டுள்ளது. விண்ணப்பிக்க விரும்பும் நபர்கள் அவர்களின் பகுதிகளுக்கு அருகிலுள்ள மாநில சட்டமன்றத்தின் சமூக சேவை மையத்திற்கு செல்லலாம்.
“இந்த திட்டமானது பல அரசு சாரா நிறுவனங்கள், குடியிருப்போர் சங்கங்கள் மற்றும் சமூக சேவை மையங்களின் ஒத்துழைப்பை கொண்டுள்ளது” என்று அஹ்மட் அஸ்ரி ஜைனல் நோர் சிலாங்கூர்கினியிடம் கூறினார்.
டமன்சாரா டாமாய், இடமான் அடுக்குமாடி குடியிருப்பில் குறைந்த வருமானம் பெறும் குடும்பங்களுக்கு 150 உணவுக் கூடைகளை நன்கொடையாக அஹ்மட் அஸ்ரி வழங்கினார்.
அந்த உதவியைப் பெற்றவர்களில் ஒருவரான உசைனாவதி அப்துட் ரஹ்மான் (49), நன்கொடைக்கு தனது நன்றியைத் தெரிவித்தார். மேலும், இது ரம்ஜானுக்குத் தயாராவதில் தனக்கும் அவரது குடும்பத்தினருக்கும் ஓரளவு உதவும் என்று விவரித்தார்.
ரம்ஜான் மாதத்துடன் பள்ளிக்கூடம் திறக்க உள்ள நிலையில் தற்போது இதுபோன்ற நன்கொடைகளை வழங்குவது மிகவும் நல்லது. இது மிகவும் பயனுள்ளதாக இருக்கிறது. மாநில அரசுக்கு நன்றி” என்று மூன்று குழந்தைகள் கொண்ட இல்லத்தரசி கூறினார்.
இதற்கிடையில், இந்த உதவி தொடரும் என்று ஓய்வு பெற்ற ஹஷிம் கமால் மஹதி (72) நம்புகிறார். ஏனெனில் இது குறைந்த வசதி கொண்டவர்களின் சமையலறை செலவுகளைச் சேமிக்க பெரிதும் உதவும் என்றார்.