பாரிஸ், ஆகஸ்ட் 1 – பாரிஸ் 2024 ஒலிம்பிக் விளையாட்டுப் போட்டிகளில் சீனாவின் ஆதிக்கம் தொடர்கிறது. 5 வது நாளான நேற்று சீனா மேலும் 3 தங்கம் 1 வெள்ளி 1 வெண்கலப் பதக்கங்களை பெற்று பதக்க பட்டியலில் முன்னேறிய வேளையில், போட்டி உபசரணை நாடான பிரான்ஸ் சலைக்காத போட்டியை வழங்கி வருகிறது. அது நேற்று 3 தங்கம் 2 வெள்ளி, 5 வெங்கலப் பதக்கங்களை வென்று பதக்க பட்டியலில் 2 வது இடத்தில் இருப்பதுடன் நேற்றைய பொழுது அதிக பதக்கங்களை வென்ற நாடாகவும் விளங்குகிறது. நேற்றைய விளையாட்டின் இறுதியில் ஜப்பான் பதக்கப்படியலில் 3 வது இடத்தை பிடித்த்துடன் 2 தங்கம் மற்றும் 1 வெள்ளி பதகத்தையும் வெற்றிக்கண்டது.
மலேசியர்கள் இன்று பூப்பந்து விளையாட்டில் இரண்டு கால் இறுதி போட்டிகள் சந்திக்கின்றனர் மலேசியாவின் பேர்லி தான் – மு.தீனா ஜோடி தென் கொரியாவின் 2020 தோக்கியோ ஒலிம்பிக் போட்டியில் வெண்கலப் பதக்கம் வென்ற சூ இயோங்- ஹி யோங் ஜோடியுடன் மோதும் வேளையில் கலப்பு இரட்டையர் அணியான சென் தொங் ஜி- தோ ஈ வே ஜோடி கொரியாவின் கலப்பு இரட்டையர்களான கிம் வான் ஹோ – ஜியோங் நா இவ்வுடன் விளையாடவுள்ளனர்.
இதன் பின் அனைத்து ஆட்டங்களும் நோக் அவுட் முறையில் நடைபெறும் என்பதால், ஒவ்வொரு ஆட்டமும் மலேசிய ஆட்டக்காரர்களுக்கு மிக முக்கியம் , அதன் வெற்றியே அடுத்த இலக்கை அடைய மிக முக்கியமானதாகும்..