கோலாலம்பூர், டிச 15: RON97 பெட்ரோலின் விலை லிட்டருக்கு 20 சென் குறைந்து RM3.55 ஆக உள்ளது, அதே நேரத்தில் RON95 பெட்ரோல் மற்றும் டீசலின் விலை நாளை தொடங்கி டிசம்பர் 21 வரை மாறாமல் உள்ளது.
உலக சந்தையில் கச்சா எண்ணெய் விலை உயர்வால் ஏற்படும் பாதிப்புகளில் இருந்து மக்களைப் பாதுகாக்கும் வகையில், RON95 பெட்ரோல் லிட்டருக்கு 2.05 ரிங்கிட் மற்றும் டீசலுக்கு லிட்டருக்கு RM2.15 என்ற உச்சவரம்பு விலையை அரசு பராமரித்து வருவதாக நிதி அமைச்சகம் இன்று வெளியிட்டுள்ள அறிக்கையில் தெரிவித்துள்ளது.
“உலக கச்சா எண்ணெய் விலையில் ஏற்படும் மாற்றங்களின் தாக்கத்தை அரசாங்கம் தொடர்ந்து கண்காணித்து, மக்களின் நலன் மற்றும் நல்வாழ்வு பராமரிக்கப் படுவதை உறுதி செய்யத் தகுந்த நடவடிக்கைகளை எடுக்கும்” என்றும் அந்த அறிக்கையில் தெரிவிக்கப்பட்டுள்ளது.
– பெர்னாமா
