கிள்ளான், 23 டிசம்பர்: செந்தோசா மாநிலச் சட்டமன்றத்தில் (DUN) குறைந்த வருமானம் பெறும் குடும்பங்களைச் சேர்ந்த மொத்தம் 16 மாணவர்கள் சிலாங்கூர் மந்திரி புசார் அல்லது எம்பிஐயிடம் இருந்து மடிக்கணினிகளை நன்கொடையாகப் பெற்றனர்.
இந்த நன்கொடைக்காக சுமார் RM20,000 ஒதுக்கியதாகத் எம்பிஐயின் கார்ப்பரேட் சமூகப் பொறுப்பு தலைவர் அஹ்மத் அஸ்ரி ஜைனால் தெரிவித்தார்.
“செந்தோசா மாநில சட்டமன்றத்தின் சமூக சேவை மையம் மூலம் விண்ணப்பிக்கும் மாணவர்களுக்கு இந்த முறை 16 மடிக்கணினிகள் வழங்குகிறோம்,“ எனக் கூறினார்.
“இந்த திட்டம் எப்போதும் செயல்பாட்டில் உள்ளது மற்றும் மாநிலச் சட்டமன்ற உறுப்பினர் (ADN) அலுவலகத்தில் இருந்து எம்பிஐ விண்ணப்பங்களை தொடர்ந்து பெற்று வருகிறது. நாங்கள் மின்னஞ்சல் அல்லது கடிதம் மூலமாக தனிப்பட்ட விண்ணப்பங்களையும் பெறுகிறோம். அவ் விண்ணப்பங்கள் ஏற்றுக் கொள்வதற்கு முன்பு மதிப்பாய்வு செய்யப்படும்,” என்று அவர் கூறினார்.
இந்நிகழ்வில் செந்தோசா சட்டமன்ற உறுப்பினர் டாக்டர் ஜி குணராஜாவும் கலந்து கொண்டார். அஹ்மத் அஸ்ரியின் கூற்றுப்படி, இந்த நன்கொடை அவரது மாநிலச் சட்டமன்றத்தில் இரண்டாவது முறையாக வழங்கப்படுகிறது.
“ரிம4,000 க்கும் குறைவான குடும்ப வருமானம் உள்ள குடும்பங்களில் இருந்து விண்ணப்பங்கள் வரவேற்கப்படுவதாக கூறிய அவர், குடும்ப வருமானம் அளவு கோல்களில் ஒன்று” என்று அவர் குறிப்பிட்டார்.
