சிப்பாங், மார்ச் 8: குறைந்த கட்டண விமான நிறுவனமான ஏர் ஏசியா, ரம்டானை முன்னிட்டு ஏப்ரல் 19 முதல் 30 வரை சபா மற்றும் சரவாக்கில் உள்ள ஏழு இடங்களுக்கு நிலையான கட்டணத்தில் 62 கூடுதல் விமான பயணங்களை வழங்குகிறது.
கோலாலம்பூர் அல்லது ஜொகூர் பாருவில் இருந்து கூச்சிங், சிபு, பிந்துலு மற்றும் மிரிக்குச் செல்லும் விமானங்களுக்கு ஒரு வழி டிக்கெட்டின் விலை RM199 என்றும் கோலாலம்பூரிலிருந்து கோத்தா கினபாலு, தாவாவ் மற்றும் ஜொகூர் பாருவில் இருந்து கோத்தா கினபாலு செல்லும் விமானங்களுக்கு ஒரு வழி டிக்கெட்டின் விலை RM249 என்றும் போக்குவரத்து அமைச்சர் அந்தோனி லோக் கூறினார்.
நேற்று நடைபெற்ற செய்தியாளர் சந்திப்பில், ஏப்ரல் 19 முதல் 21 மற்றும் ஏப்ரல் 20 முதல் 30 வரையிலான பயணங்களுக்கு இன்று முதல் ஏப்ரல் 30 வரை முன்பதிவு செய்யலாம் என்று தெரிவித்தார்.
மற்ற விமான நிறுவனங்கள் ஏர் ஏசியாவின் நடவடிக்கைகளை பின்பற்றும் என்று லோக் நம்புகிறார், குறிப்பாகப் பண்டிகைக் காலத்தில் அதிகமான புலம்பெயர்ந்தோர் தங்கள் குடும்பங்களுடன் பண்டிகையை கொண்டாட தங்கள் சொந்த ஊருக்குத் திரும்ப இதுபோன்ற நடவடிக்கைகள் வழி செய்யும் என்றார்.
மலேசியன் ஏர்லைன்ஸ் (MAS) விமானம் MH370யைத் தேடுவது குறித்து, அரசாங்கத்திடம் புதிய ஆதாரங்கள் சமர்ப்பிக்கப் பட்டால் தேடுதல் பணி தொடங்கும் என்று லோக் கூறினார்.
– பெர்னாமா
