கோலாலம்பூர் ஜூன் 23 ;- பி கே ஆர் க்கு RM 10 மில்லியனை செலுத்துமாறு , அக்கட்சியின் முன்னாள் துணைத் தலைவர் ஜூரைடா கமாருடினுக்கு உயர்நீதிமன்றம் இன்று உத்தரவிட்டுள்ளது.
கட்சியுடன் பிணைக்கும் பத்திரத்தின் விதிமுறைகளை மீறியதற்காக பிகேஆருக்கு 10 மில்லியன் ரிங்கிட் வழங்க உயர்நீதிமன்ற நீதிபதி அக்தர் தாஹிர் அக்கட்சியின் முன்னாள் துணைத் தலைவர் ஜூரைடா கமாருடினுக்கு உத்தரவிட்டார்.
அந்த பிணைப்பத்திரம் சட்டப்படியாக செல்லுபடியாகும் மற்றும் பிணைக்கப்பட்ட ஒப்பந்த விதிகளுக்கு ஏற்ப உள்ளதை கண்டறிந்த பின்னர் பிகேஆரின் இவ்வழக்கு விசாரணைக்கு அனுமதிக்க பட்டது.
அந்த வழக்கில் 50,000 ரிங்கிட் செலவு தொகையையும் ஜுரைடா செலுத்த வேண்டும் என்றும் நீதிமன்றம் உத்தரவிட்டது. பிகேஆர் பொதுச்செயலாளர் சைபுடின் நசுத்தியோன் இஸ்மாயில் 28 செப்டம்பர் 2020 அன்று ஜுரைடாவிடம் இருந்து 10 மில்லியன் ரிங்கிட் கோரி, தன்னை கட்சியுடன் பிணைக்கும் பத்திரத்தின் விதிமுறைகளை மீறியதாக கூறி வழக்குத் தாக்கல் செய்தார்.
ஆன்லைன் நடைமுறைகள் மூலம் தீர்ப்பை வழங்கிய நீதிபதி அக்தர், வற்புறுத்தலால்தான் பத்திரத்தில் கையெழுத்திட்டதாக சுரைடாவின் வாதம் அடிப்படையற்றது என்றார்.
“அவர் பத்திரத்தில் கையெழுத்திட்டதை அதன் உள்ளடக்கங்கள் பற்றிய முழு அறிவோடும், பிகேஆர் டிக்கெட்டில் தேர்தலில் போட்டியிட விரும்புவதாகவும் தானாக முன்வந்து கையெழுத்திட்டதை ஆதாரம் காட்டுகிறது” என்று அவர் கூறினார்.
10 மில்லியன் ரிங்கிட் வேட்புமனுவுக்கு செலவழிக்கப்பட்ட தொகைக்கு விகிதாச்சாரம் இல்லை என்று சுரைடா கூறியது ஆதாரமற்றது என்றும் அது ஒரு பின் சிந்தனை என்றும் நீதிபதி மேலும் கூறினார். “ஏனெனில், பிரதிவாதியே (சுரைடா) 10 மில்லியனுக்கும் அதிகமான வேட்புமனு தாக்கலுக்கு செலவு செய்ததாக ஒப்புக்கொண்டார்.
ரிங்கிட் 10 மில்லியன் நியாயமான தொகை என்று நீதிமன்றம் மேலும் தீர்ப்பளித்தது,” என்று அவர் கூறினார்.
