ஷா ஆலம், ஜூலை 1: சிலாங்கூர் பென்யாயாங் திட்டத்தின் மூலம் மோரிப் தொகுதியில் உள்ள பல இடங்களில் மொத்தம் 13 சூரியச் சக்தியால் இயங்கும் ஒளி உமிழும் டையோடு (எல்இடி) விளக்குகள் நிறுவப்பட்டன.
சுங்கை புயாயாவில் உள்ள ஜாலான் செர்டாங், ஜாலான் பத்து 6 கம்போங் கெலனாங் மற்றும் ஜாலான் கம்போங் தாலி ஆயர் உள்ளிட்ட மூன்று கிராமப் பகுதிகள் இத்திட்டத்திற்கான ஒதுக்கீடுகளை பெற்றதாக ஹஸ்னுல் பஹாருடின் கூறினார்.
“இந்த சோலார் விளக்குகள் அனைத்தும் உள்ளூர்வாசிகளின் வசதிக்காகவும், சாலை விளக்குகள் மூலம் விபத்து அபாயங்கள் குறைக்கப்படும் என்றும்,” அவர் முகநூல் மூலம் கூறினார்.
பிப்ரவரி 11 அன்று, சிலாங்கூர் முழுவதும் சோலார் விளக்குகளை நிறுவுவதற்கு RM 5 மில்லியன் ஒதுக்குவதாக உள்கட்டமைப்பு மற்றும் பொது வசதிகள் துறை பொறுப்பு உறுப்பினர் இஷாம் அசிம்
அறிவித்தார், இது சாலை பயனாளர்களின் பாதுகாப்பை மேம்படுத்துவதை நோக்கமாகக் கொண்டுள்ளது.
கடந்த ஆண்டு நவம்பரில் தொடங்கப்பட்ட முதல் கட்ட சோலார் விளக்குகள் நிறுவும் பணி 31 தொகுதிகளை உள்ளடக்கியது, டிசம்பரில் நிறைவடைந்தது என அவர் கூறினார்.
