புத்ராஜெயா, நவம்பர் 26 – பிரதமர் டத்தோ ஸ்ரீ அன்வார் இப்ராஹிம் தலைமையிலான ஐக்கிய அரசாங்கம் மற்றும் கெ அடிலான் ராக்யாட் (கெடிலான்) கட்சியின் தலைமைத்துவம், மலேசியா ஒப்பந்தம் 1963 (MA63) மீதான விவாதத்துக்கு தயாராக உள்ளது மறுமலர்ச்சி கொள்கைக்கு கொடுக்கும் ஆதரவுக்கு சான்று என்றார்.
கெ அடிலான் வருடாந்திர தேசிய காங்கிரஸ் 2023 விவாத அமர்வின் போது சபாவின் பிரதிநிதி அந்தாகோர் ரசம், கட்சி அரசியலமைப்பில் தீபகற்பம், சபா மற்றும் சரவாக் ஆகியவற்றின் உரிமைகளுக்கு முக்கியத்துவம் அளிக்கும் ஒரே கட்சி கெ அடிலான் மட்டுமே என்று கூறினார்.
அவரைப் பொறுத்தவரை, மலாயா, சபா மற்றும் சரவாக் ஆகிய நாடுகளின் இணைப்பைத் தொடர்ந்து ஒரு தேசம் உருவாகும் உணர்விற்கு ஏற்ப உண்மையிலேயே மலேசிய உணர்வைக் கொண்ட ஒரு அரசியல் கட்சி கெ அடிலான் என்பதை இது நிரூபிக்கிறது.
“இவை அனைத்தும் MA63 ரகசியமாக வைக்கப்படுவதாக தெரிகிறது. அன்வார் (10வது) பிரதமராக நியமிக்கப்பட்ட போது, போர்னியோவை சார்ந்த டத்தோஸ்ரீ ஃபாடில்லா யூசோப்பை துணைப் பிரதமராக நியமித்தார்.
“அன்வார் உடனடியாக MA 63 இல் தொழில் நுட்பக் குழுவை உருவாக்கினார், மேலும் சபா மற்றும் சரவாக் அரசாங்கங்களின் பிரதிநிதிகளை IRB இன் உறுப்பினர்களாக நியமிக்கவும் மலேசிய உள்நாட்டு வருவாய் வாரிய (IRB) சட்டத்தின் திருத்தத்திற்கு நாடாளுமன்றம் ஒப்புதல் அளித்ததும் ஒரு சரித்திரம்” என்றார்.
இங்குள்ள புத்ராஜெயா சர்வதேச மாநாட்டு மையத்தில் (PICC) நேற்று தொடங்கி இரண்டு நாள் கெ அடிலான் தேசிய ஆண்டு மாநாடு நடைபெறுகிறது.
கெ அடிலான் அரசியலமைப்பின் பிரிவு 5, பிரிவு 5.8 இன் படி, MA63 இன் கட்டமைப்பிற்கு இணங்க நியாயமான அரசியல் மற்றும் பொருளாதார நிலையை அதிகாரம் செய்வதன் மூலம் சபா, சரவாக் மற்றும் தீபகற்ப மலேசியா இடையே ஒத்துழைப்பு மற்றும் நியாயமான அதிகாரப் பகிர்வு ஆகியவற்றின் உணர்வை கட்சி நிலை நிறுத்தியுள்ளது.
இதற்கிடையில், டிஜிட்டல் பொருளாதாரத்தில் மலேசியாவின் போட்டித்தன்மை குறித்து, மலாக்காவின் பிரதிநிதி டத்தோ கினி லிம், நகர்ப்புற மற்றும் கிராமப்புறங்களுக்கு இடையேயான டிஜிட்டல் இடைவெளியை குறைக்க வேண்டும், சபா மற்றும் சரவாக் தீபகற்பம் டிஜிட்டல் பொருளாதாரத்தை மேம்படுத்துவது போன்றதை அதிகரிக்க வேண்டும் டிஜிட்டல் பொருளாதார மையங்களின் எண்ணிக்கை அதிகரிக்க வேண்டும் என்றார்.
“இன்னும் 140 மாநிலத் தொகுதிகளில் டிஜிட்டல் பொருளாதார மையங்கள் இல்லை, மேலும் ஒவ்வொரு மாநிலத் தொகுதிகளிலும் ஒரு டிஜிட்டல் பொருளாதார மையம் இருப்பதை அரசாங்கம் உறுதி செய்ய வேண்டும், இதனால் தொழில் முனைவோர் ஆன்லைன் வணிகங்கள் மேற்கொள்ள வசதியாக இருக்கும், அவர்களின் வருமானமும் இரண்டு முதல் ஐந்து மடங்கு வரை கூடும் என்றார்.
