Pasangan kembar tiga, Zaki, Zaidi dan Zakaria Muhamud dari Kampung Kelatuan antara yang mencuri perhatian orang ramai di pusat mengundi Sekolah Kebangsaan Our Lady of Fatima (M) Kelatuan, Kimanis pada 18 Januari 2020. Foto BERNAMA
18 வயதினருக்கு வாக்குரிமை: அடுத்தாணடு ஜனவரியில் அமல்
4:10 pm
18 வயதினருக்கு வாக்குரிமை: அடுத்தாணடு ஜனவரியில் அமல்
கோலாலம்பூர், அக் 31 - கூச்சிங் உயர் நீதிமன்றம் வழங்கிய தீர்ப்பின்படி மலேசியர்களின் வாக்களிக்கும் வயது அடுத்த ஆண்டு ஜனவரி 1 முதல் 21 முதல் 18 ஆகக் குறைக்கப்படும் என்று பிரதமர் டத்தோஸ்ரீ இஸ்மாயில் சப்ரி யாக்கோப் தெரிவித்தார்.
நீதிமன்றத்தின் தீர்ப்புக்கு எதிராக மேல்முறையீடு செய்வதில்லை என்று அமைச்சரவை தீர்மானித்துள்ளதாகவும் அவர் தெரிவித்தார்.
நீதிமன்றம் வழங்கும் தீர்ப்புக்கு எதிராக அரசாங்கம் மேல்முறையீடு செய்யலாம். ஆனால் இளைஞர்களுக்கு அங்கீகாரம் வழங்கும் வகையில் சரவாக் நீதிமன்றத்தின் தீர்ப்பை எதிர்த்து மேல்முறையீடு செய்வதில்லை என அமைச்சரவை முடிவு செய்துள்ளது என்றார் அவர்.
மேல்முறையீடு செய்யாவிட்டால் அந்த தீர்ப்பு அப்படியே இருக்கும். மேலும் 18 வயதினர் வாக்களிப்பதற்கான நடைமுறைப்படுத்துவதற்கான காலக்கெடு டிசம்பர் 31 ஆம் தேதியாகும் . ஜனவரி 1 ஆம் தேதி முதல் 18 வயதை அடைந்தவர்கள் இயல்பாக வாக்காளர் ஆவதற்கான பதிவு நயவடிக்கை மேற்கொள்ளப்படும் என்று 2022 ஆம் ஆண்டிற்கான தேசிய இளைஞர் தின விழாவில் உரையாற்றிய போது அவர் கூறினார்.
இந்நிகழ்ச்சியில் இளைஞர் மற்றும் விளையாட்டுத்துறை அமைச்சர் டத்தோஸ்ரீ அகமட் பைசல் அசுமுவும் கலந்து கொண்டார்.