கோலாலம்பூர், மே 5: RON97, RON95 பெட்ரோல் மற்றும் டீசல் விலைகள் இன்று முதல் மே 11 வரை ஒரு வாரத்திற்கு ஒரே மாதிரியாக இருக்கும்.
நிதி அமைச்சகம் இன்று வெளியிட்டுள்ள அறிக்கையில், RON97 மற்றும் RON95 பெட்ரோல் சில்லறை விலை லிட்டருக்கு முறையே RM3.94 மற்றும் RM2.05 ஆகவும், டீசல் லிட்டருக்கு RM2.15 ஆகவும் உள்ளது.
“உலகளாவிய சந்தையில் கச்சா எண்ணெய் விலை உயர்வின் விளைவுகளிலிருந்து நுகர்வோரை பாதுகாக்க, அரசாங்கம் RON95 பெட்ரோலின் சில்லறை விலையை லிட்டருக்கு RM2.05 ஆகவும், டீசலின் விலை லிட்டருக்கு RM2.15 ஆகவும் பராமரித்து வருகிறது. இரண்டு வகையான எண்ணெய்களின் உண்மையான சந்தை விலை உச்சவரம்பு விலையை விட உயர்ந்துள்ளது.
தானியங்கி விலை நிர்ணயம் பொறிமுறை (ஏபிஎம்) சூத்திரத்தைப் பயன்படுத்தி பெட்ரோலியப் பொருட்களின் வாராந்திரச் சில்லறை விலையின் அடிப்படையில் புதிய விலையை நிதி அமைச்சகம் அறிவித்தது.
உலகக் கச்சா எண்ணெய் விலையில் ஏற்படும் மாற்றங்களின் தாக்கத்தை அரசாங்கம் தொடர்ந்து கண்காணித்து, மக்களின் நலன் மற்றும் நல்வாழ்வு தொடர்ந்து பாதுகாக்கப்படுவது உறுதிசெய்ய உரிய நடவடிக்கைகளை மேற்கொள்ளும் என்றும் நிதி அமைச்சகம் தெரிவித்துள்ளது.
