ஷா ஆலம், மே 11: சிலாங்கூர் உள்ளிட்ட பல மாநிலங்களில் இன்று காலை இடியுடன் கூடிய கனமழை மற்றும் பலத்த காற்று வீசும் என மலேசிய வானிலை ஆய்வு மையம் (மெட்மலேசியா) எச்சரிக்கை விடுத்துள்ளது.
சபாக் பெர்ணாம், கோலா சிலாங்கூர், உலு சிலாங்கூர், கோம்பாக் மற்றும் உலு லங்காட் மாவட்டங்களிலும், பினாங்கு மற்றும் கோலாலம்பூர் முழுவதும் இந்த நிலைமை ஏற்படும் என்று ட்விட்டர் மூலம் நிறுவனம் தெரிவித்துள்ளது.
கெடாவில் கோத்தா ஸ்டார், யான், கோலா மூடா, கூலிம் மற்றும் பண்டார் பாரு; பேராக் (கிரியான், லாரூட், மாத்தாங் மற்றும் செலாமா, கோலா கங்சார் மற்றும் முவாலிம்), பகாங் (ரவூப், பெந்தோங், தெமெர்லோ, மாறான் மற்றும் பெரா), நெகிரி செம்பிலான் (ஜெலுபு, சிரம்பான், கோலா பிலா மற்றும் ஜெம்போல்) மற்றும் ஜோகூர் (பொந்தியன், கூலாய், கோத்தா திங்கி மற்றும் ஜோகூர் பாரு) ஆகிய இடங்களுக்கும் சீரற்ற வானிலை நிலவும் என்று கணிக்கப்பட்டுள்ளது.
மெட்மலேசியாவின் கூற்றுப்படி, இடியுடன் கூடிய மழைப்பொழிவு ஒரு மணி நேரத்திற்கு 20 மில்லிமீட்டர் (மிமீ/ மணி நேரம்) அதிகமாக இருக்கும் என எச்சரிக்கைகள் விடுக்கப்படுகின்றன.
இடியுடன் கூடிய மழை முன்னறிவிப்பு என்பது ஒரு குறுகிய கால எச்சரிக்கையாகும், இது ஒரு வெளியீட்டிற்கு ஆறு மணிநேரத்திற்கு மிகாமல் இருக்கும்.
சமீபத்திய மற்றும் உண்மையான தகவல்களுக்கு பொதுமக்கள் www.met.gov.my என்ற இணையதளத்தைப் பார்க்கவும், சமூக ஊடகங்கள் மற்றும் myCuaca செயலியைப் பதிவிறக்கவும் அறிவுறுத்தப்படுகிறார்கள்.
