ஷா ஆலம், ஜூலை 22: சிலாங்கூர் உள்ளிட்ட பல மாநிலங்களில் இன்று இரவு 8 மணி வரை இடியுடன் கூடிய கனமழை மற்றும் பலத்த காற்று வீசும் என மலேசிய வானிலை ஆய்வு மையம் (மெட்மலேசியா) எச்சரிக்கை விடுத்துள்ளது.
சபாக் பெர்ணாம், கோலா சிலாங்கூர், உலு சிலாங்கூர், கிள்ளான், கோம்பாக், பெட்டாலிங், கோலா லங்காட் மற்றும் சிப்பாங் ஆகிய மாவட்டங்களிலும், கோலாலம்பூர் மற்றும் புத்ராஜெயா முழுவதிலும் இந்த நிலை ஏற்படும் என்று ட்விட்டர் மூலம் நிறுவனம் தெரிவித்துள்ளது.
பேராக்கில் கோலா கங்சார், கிந்தா, கம்பர், ஹிலிர் பேராக், பாத்தாங் பாடாங் மற்றும் முவாலிம்; பகாங்கில் (கேமரூன் மலை மற்றும் ஜோகூர் (மூவார், பத்து பகாட் மற்றும் குளுவாங்) ஆகிய இடங்களிலும் இதேபோன்ற நிலை ஏற்படும் என்று எச்சரிக்கை விடுத்துள்ளது.
சரவாக் பெதோங் (பூசா, பெதோங் மற்றும் சரடோக்), சரிகேய் (பாகன்), கபிட் (கபிட்) மற்றும் லிம்பாங் (லிம்பாங்), சபா (பெடாலாமான் (தம்புனன்), மேற்கு கடற்கரை (பாப்பர், பெனாம்பாங், கோத்தா கினாபாலு, துவாரன், ரானாவ் மற்றும் கோத்தா பெலுட்), சண்டகன் (பெலூரன்) மற்றும் கூடாட்) ஆகிய இடங்களை உள்ளடக்கியது.
மெட்மலேசியாவின் கூற்றுப்படி, இடியுடன் கூடிய மழைப்பொழிவு ஒரு மணி நேரத்திற்கு 20 மில்லிமீட்டர் (மிமீ/ மணி நேரம்) அதிகமாக இருக்கும் என எச்சரிக்கைகள் எடுக்கப்படுகின்றன.
இடியுடன் கூடிய மழை முன்னறிவிப்பு என்பது ஒரு குறுகிய கால எச்சரிக்கையாகும், இது ஒரு வெளியீட்டிற்கு ஆறு மணிநேரத்திற்கு மிகாமல் இருக்கும்.
சமீபத்திய மற்றும் உண்மையான தகவல்களுக்கு பொதுமக்கள் www.met.gov.my என்ற இணையதளத்தைப் பார்க்கவும், சமூக ஊடகங்கள் மற்றும் myCuaca செயலியைப் பதிவிறக்கம் செய்ய அறிவுறுத்தப்படுகிறார்கள்.
