மாவட்ட நில அலுவலக ஓன்லைன் அமைப்பு தொடங்கப் பட்டது, மாநில வருவாய் வசூல் அதிகரிப்பு

கிள்ளான், 29 அக்: மாநிலம் முழுவதும் உள்ள மாவட்ட மற்றும் நில அலுவலகங்களில் (PDT) ஆன்லைன் பரிவர்த்தனைக்கு வசதியான ஸ்மார்ட்பாக்ஸ் அமைப்பு நவம்பர் 1 முதல் அமல்படுத்தப்படுகிறது.

டிஜிட்டல் மயமாக்கல் திட்டம் மாநில வருவாய் சேகரிப்பின் செயல்திறனை மேம்படுத்துவதுடன் நில விஷயங்களுக்கு விண்ணப்பிக்கவும், மறுபரிசீலனை செய்யவும் மற்றும் பணம் செலுத்தவும் எளிதாக்கியது என்று டத்தோ மந்திரி புசார் கூறினார்.

“ஆரம்பத்தில் இந்த கட்டண முறை கோவிட் -19 பரவுவதை தடுக்க, இயக்கக் கட்டுப்பாட்டு ஆணையின் (எம்சிஓ) போது இங்குள்ள சுல்தான் சலாவுடின் அப்துல் அஜீஸ் ஷா கட்டிடத்தில் அறிமுகப்படுத்தப்பட்டது.

“தொற்று நோய் மனித இயக்கத்தை மட்டும் பாதிக்காது, ஆனால் மாநில வருவாய் தொடர்பான பொருளாதார நடவடிக்கையும் பாதிக்கிறது. மாநில வருவாய் மற்றும் வணிகம் தடைபட்டால் வருவாய் வசூலை பாதிக்கும்.

“எம்சிஓ அறிவிக்கப்பட்டதும், நில அலுவலக கவுண்டர் விவகாரங்கள் உட்பட அனைத்து செயல்பாடுகளும் நிறுத்தப்பட்டன. ஆனால் நாங்கள் நீண்ட நேரம் காத்திருக்காமல், மூன்று முதல் நான்கு மாதங்களுக்கு ஸ்மார்ட்பாக்ஸை அறிமுகப்படுத்தி 12,000க்கும் அதிகமான பரிவர்த்தனைகளை பதிவு செய்தோம்” என்று டத்தோ ஸ்ரீ அமிருடின் ஷாரி கூறினார்.

சிலாங்கூர் நிலம் மற்றும் சுரங்க அலுவலகம் (PTGS) உருவாக்கிய ஸ்மார்ட்பாக்ஸ் அமைப்பை கிள்ளான் மாவட்டம் மற்றும் நில அலுவலகத்தில் இன்று தொடங்கி வைத்த பின்னர் அவர் பேசினார்.

இந்த முறையின் வெற்றியானது, இந்த ஆண்டு RM5.3 கோடி ரிங்கிட் வருவாய் வசூல் மூலம்   அறியப்பட்டுள்ளது என்று அவர் கூறினார்.

“ஸ்மார்ட்பாக்ஸ் அமைப்பு மாநில வருவாயை மிகவும் திறமையாக அதிகரிப்பது மட்டுமல்லாமல் தரவை நெறிப்படுத்துகிறது.

“இந்த அமைப்பின் மூலம், அதிகமான ஆவணங்கள் நிர்வகிக்கப்பட்டு, 2025 ஆம் ஆண்டிற்குள் ஒரு ஸ்மார்ட்மாநிலத்தை நோக்கி பரிவர்த்தனைகளை ஒரே நேரத்தில் முடிக்க உதவுகிறது,” என்று அவர் கூறினார்.

https://smartbox.selangor.gov.my மூலம் பொதுமக்கள் ஆன்லைனில் வணிகத்தை மேற்கொள்ளலாம்.