செலாயாங், பிப் 19: வணிகத் துறையில் பெண்களை மேம்படுத்த உதவும் மூன்று மாத டிஜிட்டல் வணிகப் பட்டறையில் மொத்தம் 200 பெண் தொழில்முனைவோர் பங்கேற்றனர்.
அனைத்து பங்கேற்பாளர்களும் 20 முதல் 45 வயதுக்குட்பட்ட சிறிய மற்றும் நடுத்தர அளவிலான தொழில்துறை வர்த்தகர்கள் மற்றும் ஏற்கனவே தங்கள் சொந்த தயாரிப்புகளைக் கொண்டுள்ளனர் என பெண்கள் மேம்பாட்டு ஆட்சிக்குழு உறுப்பினர் தெரிவித்தார்.
“இது வனிதா பெர்டாயா சிலாங்கூர் நடத்தும் டிஜிட்டல் பெண் தொழில் முனைவோர் முன்னோடித் திட்டமாகும். இந்தத் திட்டத்திற்கு RM230,000 ஒதுக்கீடு செய்யப்பட்டுள்ளது மற்றும் இதில் பங்கேற்பாளர்கள் நிதி மேலாண்மை மற்றும் சந்தைப்படுத்தல் உள்ளிட்ட டிஜிட்டல் வணிக அறிவை பெறுவார்கள்.
“அனைத்து பங்கேற்பாளர்கள் மதிப்பீடு செய்யப்படுவார்கள். சிறந்த தொழில்முனைவோர் ஐகான்களாக முடிசூட்டப்படுவார் மற்றும் தொடர்புடைய ஏஜென்சி களிடமிருந்து ஆலோசனை சேவையையும் வணிக மானியத்தையும் பெற தகுதியுடையவர்” என்று அன்ஃபால் சாரி கூறினார்.
மேலும், தயாரிப்புகளைப் பெரும் அளவில் சந்தைப்படுத்த விரும்பும் பெண் தொழில்முனைவோர், தங்கள் தயாரிப்புகளை உருவாக்க தற்போதைய முன்னேற்றங்களுக்கு ஏற்ப வணிக அறிவு இருக்க வேண்டும் என்று அவர் கூறினார்.
“அதனால்தான் இந்த குழுவிற்கு டிஜிட்டல் வணிகத்ததை அறிமுகப்படுத்த விரும்புகிறோம். அவர்களிடம் ஏற்கனவே சொந்த தயாரிப்பு இருந்தால், அதை டிக்டாக் போன்ற சமூக ஊடகங்கள் மூலம் சந்தைப்படுத்த முடியும். இது விற்பனையை மேம்படுத்த கூடுதல் தளமாகும்,” என்று அவர் கூறினார்.
