புத்ராஜெயா, ஏப்ரல் 14: கோலாலம்பூர் சர்வதேச விமான நிலையத்தின் (KLIA) முனையம் 1ல் (டெர்மினல்) இன்று அதிகாலை துப்பாக்கிச் சூடு நடந்த காவல்துறை உறுதிப்படுத்தியது, இருப்பினும் நிலைமை கட்டுக்குள் உள்ளது மற்றும் பாதுகாப்பாக உள்ளது.
சிலாங்கூர் காவல்துறைத் தலைவர் டத்தோ ஹுசைன் ஓமர் கான், அதிகாலை 1.30 மணியளவில் இந்த சம்பவம் நடந்ததாகக் கூறினார், ஒரு நபர் இரண்டு துப்பாக்கிச் சூடுகளைச் செய்தார், அதில் ஒன்று மெய்க்காப்பாளராக இருந்த உள்ளூர் நபரைத் தாக்கியது.
“சந்தேக நபரின் அடையாளத்தை போலீசார் கண்டு எடுத்துள்ளதுடன், அந்த நபர் வடக்கிற்கு தப்பிச் சென்றதாகக் கருதப் படுகிறது. அவரைக் கண்டு பிடிக்கும் நடவடிக்கையை முன்னெடுத்துள்ளனர்,” என்று அவர் இன்று இங்கு தொடர்பு கொண்ட போது கூறினார்.
இச்சம்பவம் தனிப்பட்ட இயல்புடையது என்றும், எந்த பயங்கரவாத நடவடிக்கையும் அல்லது எந்தக் குழுவும் இதில் ஈடுபடவில்லை என்றும் அவர் கூறினார்.
“போலீசாரின் மேலதிக விசாரணையில், அந்த நபர் அங்கு இருந்த தனது மனைவியை துப்பாக்கியால் சுட விரும்பினார் என்றும், உம்ரா யாத்ரீகர்கள் திரும்பி வருவதற்காகக் காத்திருந்தார் என்றும் கண்டறியப்பட்டது.
“இருப்பினும், துப்பாக்கிச்சூடு ஒரு நபரைத் தாக்கியது, இதனால் பாதிக்கப்பட்டவர் பலத்த காயமடைந்தார், அதே நேரத்தில் சந்தேக நபர் சம்பவம் நடந்த உடனேயே ஓடிவிட்டார்,” என்று அவர் கூறினார்.
சம்பவத்திற்கான நோக்கம் இன்னும் விசாரணையில் இருப்பதாகவும், குற்றவியல் சட்டம் பிரிவு 307 மற்றும் ஆயுதங்கள் சட்டம் 1960 இன் கீழ் இந்த வழக்கு கொலை முயற்சியாக வகைப்படுத்தப்பட்டுள்ளது என்றும் ஹுசைன் கூறினார்.
– பெர்னாமா
