சுங்கை பாக்காப் மாநில சட்டமன்றத் தொகுதியில் ஏற்பட்ட எதிர்பாராத வெற்றிடம் குறித்து பினாங்கு மாநில சட்டமன்ற சபாநாயகர் டத்தோ லா சூ கியாங்கிடம் இருந்து தேர்தல் ஆணையம் அதிகாரப்பூர்வ அறிவிப்பைப் பெற்றுள்ளதாக அவர் கூறினார்.
“பினாங்கு மாநில அரசியலமைப்பு பிரிவு (5) பிரிவு 19 இன் கீழ் வழங்கப்பட்டு உள்ளபடி, தற்செயல் காலியிடத்தை EC யால் உறுதி செய்யப்பட்ட தேதியிலிருந்து 60 நாட்களுக்குள் நிரப்ப வேண்டும்,” என்று அவர் கூறினார்.
சிறப்புக் கூட்டம் முடிவடைந்தவுடன் உடனடியாக செய்தியாளர் சந்திப்பு நடத்தப்படும் என்று இக்மல்ருதீன் கூறினார்.
கடந்த மே 24 ஆம் தேதி, 56 வயதான நோர் ஜம்ரி, வயிற்றில் ஏற்பட்ட அழற்சியின் காரணமாக செபராங் ஜெயா (HSJ) மருத்துவமனையின் தீவிர சிகிச்சைப் பிரிவில் (ICU) சிகிச்சை பெற்று வந்த நிலையில், மதியம் 1.38 மணியளவில் இறந்ததாக கூறப்படுகிறது.
கடந்த ஆகஸ்ட் மாதம் நடைபெற்ற பினாங்கு மாநிலத் தேர்தலில் (PRN) பாஸ் நிபோங் திபால் தலைவரான நோர் ஜம்ரி பக்காத்தான் ஹராப்பான் (PH) வேட்பாளர் நூர்ஹிதயா சே ரோஸை 1,563 வாக்குகள் பெரும்பான்மையில் தோற்கடித்தார்.
