கோலாலம்பூர், ஏப்ரல் 22: ரமலான் காலத்திலும் ஹரி ராயா பெருநாள் கொண்டாட்டத்தின் போதும் முகக்கவரி அணியாத நபர்கள் மீது நடவடிக்கை எடுக்கவில்லை என்ற தகவலை காவல்துறை இன்று மறுத்துள்ளது.
மறுபுறம், புக்கிட் அமான் நிர்வாக இயக்குநர் டத்தோ ஜைனி ஜாஸை பெர்னாமா தொடர்பு கொண்டபோது, முகக்கவரி அணியாத குற்றம் உட்பட நிலையான இயக்க நடைமுறைகளை (எஸ்ஓபி) மீறும் நபர்கள் மீது அமலாக்கம் இன்னும் செயல்படுத்தப்படும் என்று கூறினார்.
இதற்கிடையில், PDRM கார்ப்பரேட் கம்யூனிகேஷன்ஸ் தலைவர் ஏசிபி ஏ.ஸ்கந்தகுரு, ஏப்ரல் 1-ம் தேதி தொடங்கிய எண்டமிக் நிலைக்கு மாறுவதற்கான எஸ்ஓபி இன்னும் அமலில் உள்ளது என்றும் பொது இடங்களில் அணிவது முகக்கவரி கட்டாயம் என்றும் வலியுறுத்தினார்.
“எனவே, தொற்று நோய்கள் தடுப்பு மற்றும் கட்டுப்பாடு சட்டம் 1988 (சட்டம் 342) இன் விதிகளின் கீழ் எஸ்ஓபியை மீறும் தரப்பினருக்கு PDRM அபராதம் வழங்கும்” என்று அவர் இன்று ஒரு அறிக்கையில் தெரிவித்தார்.
