கோலா திரங்கானு, மே 9 – நேற்று கிளந்தானில் இருந்து மலாக்கா நோக்கி பயணித்த போது தூங்கிக்கொண்டிருந்த பெண் பயணி ஒருவரிடம் முறைகேடாக நடந்துக் கொண்ட விரைவுப் பேருந்தின் இணை ஓட்டுநர் விசாரணைக்காக விளக்கமறியலில் வைக்கப்பட்டுள்ளார்.
குற்றவியல் சட்டத்தின் பிரிவு 354 இன் கீழ் வழக்கை விசாரித்து வரும் காவல்துறையினரின் விண்ணப்பத்தைத் தொடர்ந்து 27 வயதான இணை ஓட்டுநருக்கு எதிராக நீதிமன்றப் பதிவாளர் துவான் ஹைருல் அசார் முகமது வியாழக்கிழமை வரை நான்கு நாள் காவலில் வைக்க உத்தரவு பிறப்பித்தார்.
அதிகாலை 4 மணியளவில் உலு திரங்கானுவில் உள்ள அஜில் ஓய்வு மற்றும் பொழுதுபோக்கு பகுதியில் பேருந்து நிறுத்தப்பட்டபோது, துணை ஓட்டுநர் தன்னைத் பாலியல் ரீதியாக துன்புறுத்தியதாக 21 வயதான பாதிக்கப்பட்ட பெண் குற்றம் சாட்டினார். பாதிக்கப்பட்டவர் மலாக்காவில் உள்ள ஒரு கல்லூரியில் ஆசிரியர் பயிற்சி பெற்று வருகிறார்.
நேற்று காலை சுமார் 10.30 மணியளவில் மலாக்கா சென்ட்ரல் டெர்மினலுக்கு பேருந்து வந்தபோது, ஜோகூரில் உள்ள கோத்தா திங்கியைச் சேர்ந்த இணை ஓட்டுநரை போலீஸார் கைது செய்தனர்.
