ஷா ஆலம், 19 மே: சிறுவர்கள் ஆரம்பக் கல்வியைப் பெறுவதில் பின்தங்கியிருக்கக் கூடாது என்பதற்காக, செந்தோசா சட்டமன்றம் மக்களுக்கான இலவச மழலையர் பள்ளியை (பி40) அறிமுகப்படுத்தியுள்ளது.
குறிப்பாக நான்கு மற்றும் ஐந்து வயதில் தங்கள் குழந்தைகளை மழலையர் பள்ளிக்கு அனுப்ப முடியாமல் பொருளாதார நெருக்கடிகளை எதிர்கொண்ட பெற்றோர்கள் இருப்பதால் இந்த முயற்சி எடுக்கப்பட்டதாக சட்டமன்ற உறுப்பினர் கூறினார்.
“வழக்கமாக, அவர்கள் மழலையர் பள்ளியில் ஆறு வயதில் நுழைகிறார்கள், எனவே பி40 குடும்பங்களை சேர்ந்த சிறுவர்கள் அவர்கள் முன்பே கற்றுக் கொள்ள வேண்டிய சில விஷயங்களை இழக்கிறார்கள்.
“எனவே தாமான் செந்தோசாவில் இந்த மழலையர் பள்ளியை அறிமுகப்படுத்தினோம். இதுவரை, 80க்கும் மேற்பட்ட சிறுவர்கள் ஏப்ரல் இறுதியில் வகுப்பிற்குள் நுழைந்துள்ளனர், ”என்று சிலாங்கூர்கினியிடம் டாக்டர் குணராஜ் ஜோர்ஜ் கூறினார்.
அனைத்து குழந்தைகளுக்கும் காலை உணவு வழங்குவது உட்பட மழலையர் பள்ளியை சீராக நடத்துவதற்காக மாதம் 6,000 ரிங்கிட் ஒதுக்கப்பட்டுள்ளது என்றார்.
