கோலாலம்பூர், ஆகஸ்ட் 11- இங்குள்ள ஜாலான் யாதிம் யஹாயா – ஜாலான் செத்தியவாங்சாவில் சுரங்கப்பாதை அமைக்கும் திட்டம் இந்த செப்டம்பரில் தொடங்கும் என்று எதிர்பார்க்கப்படுகிறது.
டிபிகேஎல் இன்று வெளியிட்டுள்ள அறிக்கையில், பணிகளை மேற்கொள்ள ஒப்பந்ததாரரை நியமித்துள்ளதாகவும், பணிகள் முடிவடைய 12 மாதங்கள் ஆகும் என்றும் தெரிவித்துள்ளது.
“திட்டத்தின் காலப்பகுதியில், திட்டம் முழுமையாக முடியும் வரை தற்போதுள்ள சாலை மூடல்கள் மற்றும் மாற்றுப்பாதைகள் தொடரும்.
“நியமிக்கப்பட்ட ஒப்பந்ததாரரால் நடத்தப்படும் போக்குவரத்து மேலாண்மை அனைத்து சாலை பயனர்களும் பயன்படுத்துவதற்கு ஒரு ஒழுங்கான மற்றும் நல்ல நிலையில் இருப்பதை டிபிகேஎல் உறுதி செய்யும்” என்று அறிக்கை கூறியது.
முன்னதாக, செத்தியாவங்சா நாடாளுமன்ற உறுப்பினர் நிக் நஸ்மி நிக் அகமது இன்று தனது செய்தியாளர் கூட்டத்தில் டிபிகேஎல் வங்சா மஜு மற்றும் ஸ்ரீ ராம்பையில் வசிக்கும் சிலர் உட்பட குடியிருப்பாளர்களுக்கான முக்கிய பாதையான சாலையில் சுரங்கப்பாதை அமைக்கும் திட்டத்தை விரைவுபடுத்துமாறு வலியுறுத்தினார்.
