கோலாலம்பூர், 7 நவம்பர்: அக்டோபர் 30 முதல் நவம்பர் 5 வரையிலான 44வது தொற்றுநோயியல் வாரத்தில் 26,616 சம்பவங்கள் பதிவு செய்யப்பட்டபோது, நாட்டில் கோவிட் -19 சம்பவங்களின் எண்ணிக்கை 57.3 விழுக்காடு அதிகரித்துள்ளது.
உள்ளூர் கோவிட்-19 சம்பவங்களின் எண்ணிக்கை 26,577 சம்பவங்கள் அல்லது 57.4 விழுக்காடு அதிகரித்துள்ளது என்று சுகாதார தலைமை இயக்குநர் டான் ஸ்ரீ டாக்டர் நோர் ஹிஷாம் அப்துல்லா கூறினார்.
மேலும் இறக்குமதி சம்பவங்களின் எண்ணிக்கை 39 சம்பவங்கள் அல்லது 44.4 விழுக்காடாக உயர்ந்துள்ளது.
இறந்தவர்களின் எண்ணிக்கை 29 சம்பவங்கள் அல்லது 45 விழுக்காடு அதிகரித்துள்ளது, என்று அவர் இன்று ஒரு அறிக்கையில் தெரிவித்தார்.
சராசரி தினசரி செயலில் உள்ள சம்பவங்கள் 33,449 ஆக அதிகரித்துள்ளன, இது முந்தைய
தொற்றுநோயியல் வாரத்துடன் ஒப்பிடும்போது 18.4 விழுக்காடு அதிகமாகும்.
நாட்டில் 25 ஜனவரி 2020 முதல் 5 நவம்பர் 2022 வரை மொத்தம் 4,923,538 புதிய கோவிட்-19 சம்பவங்கள் பதிவாகியுள்ளன, அதே நேரத்தில் குணமடைந்தவர்களின் எண்ணிக்கை 4,850,491 என்று டாக்டர் நோர் ஹிஷாம் கூறினார்.
அதே காலகட்டத்தில் பதிவு செய்யப்பட்ட மொத்த இறப்பு சம்பவங்கள் 36,493 ஆகும் மற்றும்
ஒட்டுமொத்த 7,104 கிளஸ்டர்களில் 21 கிளஸ்டர்கள் இன்னும் செயலில் உள்ளன.