கோலாலம்பூர், டிச 1: RON97யின் சில்லறை விலை லிட்டருக்கு 10 சென் குறைந்து RM3.85 ஆக உள்ளது, அதே நேரத்தில் RON95 மற்றும் டீசல் விலையில் டிசம்பர் 1 முதல் 7 வரை எந்தவொரு மாற்றமும் இருக்காது.
RON95 மற்றும் டீசல் ஆகியவற்றின் உச்சவரம்பு விலை லிட்டருக்கு முறையே RM2.05 மற்றும் RM2.15 ஆக இருக்கும் என்று நிதி அமைச்சகம் இன்று வெளியிட்டுள்ள அறிக்கையில் தெரிவித்துள்ளது.
இருப்பினும் அவ்விரண்டின் சந்தை விலை தற்போதைய உச்சவரம்பு விலையை விட அதிகரித்துள்ளது என்பது குறிப்பிடத்தக்கது.
சந்தை விலை நகர்வுகளுக்கு ஏற்ப RON97யின் சில்லறை விலை குறைக்கப்பட்டுள்ளது.
“உலகளாவிய கச்சா எண்ணெய் விலை போக்குகளை அரசாங்கம் தொடர்ந்து கண்காணித்து, மக்களின் நல்வாழ்வு தொடர்ந்து பாதுகாக்கப்படுவதை உறுதிசெய்ய உரிய நடவடிக்கைகளை எடுக்கும்” என்று அந்த அறிக்கையில் தெரிவிக்கப்பட்டுள்ளது.
– பெர்னாமா
