இந்த வார இறுதியில் நான்கு இடங்களில் மலிவான கோழி விற்பனை தொடர்ந்தது

ஷா ஆலம், மார்ச் 16:  மாநில அரசின் பரிவுமிக்க வணிக  திட்டத்தின் கீழ் குறைந்த விலையில் அடிப்படைப் பொருட்கள் விற்பனை மார்ச் 19 மற்றும் 20 ஆகிய தேதிகளில் நான்கு இடங்களில் தொடரும்..

சனிக்கிழமை காலை 10 மணி முதல் மதியம் 12 மணி வரை கம்போங் அமான் 1 அடுக்குமாடி குடியிருப்புகள், ஸ்ரீ கொம்பாங்கான் மற்றும் SP3 சௌஜானா பூச்சோங் ஆகியவை அடங்கும்.

இதற்கிடையில், ஞாயிற்றுக்கிழமை காலை 9.30 முதல் மதியம் 1 மணி வரை எம்.கே.லேண்ட் அலுவலகம் முன், தாமான் புங்கா ராயா, புக்கிட் பெருந்துங் மற்றும் பெட்ரோனாஸை அடுத்துள்ள தளம், பண்டார் உத்தாமா பாத்தாங் காலி போன்ற இடங்களிலும் நடைபெறும்.

“மக்களுக்கான சிறப்பு விற்பனை மீண்டும் தொடர்கிறது, பின்வரும் பகுதிகளுக்கு அருகில் வசிக்கும் நீங்களும் இருப்பதை உறுதிப்படுத்திக் கொள்ளுங்கள்” என்று விவசாய ஆட்சிக்குழு உறுப்பினர் இஸாம் ஹாஷிம் பேஸ்புக்கில் தெரிவித்தார்.

வழங்கப்படும் பொதுவான பொருட்கள் ஒவ்வொன்றும் RM12 விலையில் நடுதரமான கோழி, புதிய திடமான மாட்டு இறைச்சி ஒரு கிலோவுக்கு RM35, கிரேடு B முட்டைகள் (ஒரு தட்டு மூட்டைR M10) மற்றும் கானாங்கெளுத்தி அல்லது செலாயாங் பேக்கிற்கு RM8 எனப் பட்டியலிடப்பட்டுள்ளது.

முன்னதாக, பொருட்களின் விலை உயர்வைத் தொடர்ந்து மக்களின் சுமையைக் குறைக்கும் வகையில் மாநிலம் முழுவதும் 64 பகுதிகளில் இத்திட்டம் நடத்தப்பட வேண்டும் என வேளாண்மை ஆட்சிக்குழு உறுப்பினர் இஸாம் ஹாஷிம்  குறிப்பிட்டார்.

ஒவ்வொரு வாரயிறுதியிலும் இந்த முயற்சியானது இந்த ஆண்டு ஹரி ராயா பெருநாள் வரை நீடிக்கும் என்றும், அதற்கு நல்ல வரவேற்பு கிடைத்தால் வேறு சில அன்றாட தேவைகள் சேர்க்கப்படும் என்றும் அவர் விளக்கினார்.

இத்திட்டத்தின் போது மொத்தம் 10,000 கோழிகள், 3,100 கிலோ புதிய இறைச்சி, 6,200 கிலோ கானாங்கெளுத்தி மற்றும் செலாயாங் மற்றும் 315,000 கிரேடு பி முட்டைகளும் இந்த நிகழ்ச்சியின் போது விற்பனைக்கு இலக்கு வைக்கப்பட்டுள்ளன.