ஷா ஆலம், செப்டம்பர் 30 – சிலாங்கூரில் இன்று மாலை 6 மணி வரை இடியுடன் கூடிய கனமழை மற்றும் பலத்த காற்று வீசும் என மலேசிய வானிலை ஆய்வு மையம் எச்சரிக்கை விடுத்துள்ளது.
பாதிக்கப்பட்ட மாவட்டங்களில் கோலா சிலாங்கூர், உலு சிலாங்கூர், கிள்ளான், கோம்பாக், பெட்டாலிங் மற்றும் உலு லங்காட் ஆகியவை அடங்கும்.
கோலாலம்பூர், மலாக்கா மற்றும் பெர்லிஸ் போன்ற இடங்களிலும் இதேபோன்ற வானிலை எதிர்பார்க்கப்படும் என்று மெட்மலேசியா தெரிவித்துள்ளது.
மேலும், கெடாவில் (லங்காவி, குபாங் பாசு, கோத்தா ஸ்டார், பாடாங் தெராப், சிக் மற்றும் பாலிங்), பேராக்கில் (உலு பேராக், கோலா கங்சார், கிந்தா, கம்பர், பாத்தாங் பாடாங் மற்றும் முவாலிம்), கிளந்தானில் (தும்பாட், பாசிர் மாஸ், ஜெலி, தானா மேரா, கோலா கிராய் மற்றும் குவா மூசாங்), திரங்கானு (பெசுட் மற்றும் செத்தியு) மற்றும் பகாங் (கேமரூன் மலை, லிபிஸ், ரவூப், பெந்தோங், குவாந்தான், பெக்கான் மற்றும் ரோம்பின்) ஆகிய இடங்களிலும் இதே நிலைமை கணிக்கப்பட்டுள்ளது.
நெகிரி செம்பிலான் (ஜெலுபு, கோலா பிலா, ஜெம்போல் மற்றும் தம்பின்), ஜோகூர் (தங்காக், செகாமாட், மூவார், பொந்தியன், கூலாய் மற்றும் ஜோகூர் பாரு), சரவாக்கில் கூச்சிங், செரியன் மற்றும் மூக்கா (தஞ்சோங் மானிஸ், டாரோ மற்றும் மாது) மற்றும் சபாவில் சண்டகன் (கினாபதங்கன் மற்றும் சண்டகன்) மற்றும் கூடாட் (பிதாஸ் மற்றும் கூடாட்) ஆகியவற்றுக்கும் எச்சரிக்கை விடுத்துள்ளது.
மெட்மலேசியாவின் கூற்றுப்படி, இடியுடன் கூடிய மழைப்பொழிவு ஒரு மணி நேரத்திற்கு 20 மில்லிமீட்டர் (மிமீ/மணி நேரம்) அதிகமாக இருக்கும் என எச்சரிக்கைகள் விடுக்கப்படுகின்றன.
இடியுடன் கூடிய மழை முன்னறிவிப்பு என்பது ஒரு குறுகிய கால எச்சரிக்கையாகும், இது ஒரு வெளியீட்டிற்கு ஆறு மணிநேரத்திற்கு மிகாமல் இருக்கும்.