கோலாலம்பூர், அக் 1: பெண்கள் மற்றும் குடும்பங்கள் தொடர்பான பல புதிய திட்டங்கள் சிலாங்கூர் பட்ஜெட் 2023ன் மூலம் தொடர்புடைய குழுக்களுக்கு பயனளிக்கும் வகையில் செயல் படுத்தப்படும்.
குடும்பம் மற்றும் பெண்கள் மேம்பாட்டிற்கான ஆட்சிக்குழு உறுப்பினர், சமூகத்தின் நலன் தொடர்ந்து பாதுகாக்கப்படும் வகையில் தற்போதுள்ள திட்டங்களையும் அவரது தரப்பு வலுப்படுத்தும் என்றார்.
“இப்போது எங்களிடம் சிலாங்கூர் சிறப்பு குழந்தைகள் (அனிஸ்) திட்டம் உட்பட பல பயனுள்ள திட்டங்கள் உள்ளன. எனவே இவ்வாறான வேலைத்திட்டத்தை வலுப்படுத்துவதே அடுத்த வருட இலக்கு.
“அதே நேரத்தில், நாங்கள் வேறு சில திட்டங்களை சேர்ப்போம். பெறப்பட்ட தரவுகளுடன் கூடுதலாக மேற்கொள்ளப்பட்ட ஆராய்ச்சியின் மூலம் இந்த விஷயத்தில் நாங்கள் கவனம் செலுத்துகிறோம்” என்று டாக்டர் சித்தி மரியா மாமூட் சிலாங்கூர்கினியிடம் கூறினார்.
மக்களின் வாழ்க்கையை மேம்படுத்தும் வகையில், மாநில அரசு 44 முன்முயற்சிகளை இல்திசாம் சிலாங்கூர் பென்யாயாங் (ISP) தொகுப்பின் மூலம் RM60 கோடிக்கும் அதிகமான ஒதுக்கீட்டை வழங்குகிறது.
மக்கள் பராமரிப்பு முன்முயற்சியை மாற்றியமைக்கும் திட்டத்தில் குடும்ப நலக் குழுவில் 12 ஊக்கத்தொகை களும் அடங்கும், இதில் இல்திசாம் அனாக் பென்யாயாங் மற்றும் சிலாங்கூர் வளமான வாழ்க்கை உதவி திட்டம் (பிங்காஸ்) ஆகியவை அடங்கும்.
டத்தோ மந்திரி புசார் டத்தோஸ்ரீ அமிருடின் ஷாரி ஆண்டு பட்ஜெட்டை அக்டோபர் 28 ஆம் தேதி சிலாங்கூர் மாநில சட்டமன்றத்தில் தாக்கல் செய்வார்.
விளக்கக்காட்சியை சிலாங்கூர் டிவி சேனல் (selangortv.my) மற்றும் சிலாங்கூர் மீடியா பேஸ்புக் (www.facebook.com/MediaSelangor) மூலம் நேரடியாகப் பின்தொடரலாம்.
