ஷா ஆலம், அக் 14: 2022 ஆம் ஆண்டு அழகியல் ஜிம்னாஸ்டிக்ஸ் குழு (ஏஜிஜி) உலகக் கோப்பை போட்டியில் 20 நாடுகளைச் சேர்ந்த மொத்தம் 500 விளையாட்டு வீரர்கள், ஷா ஆலமிலுள்ள மாலாவத்தி ஸ்டேடியத்தில் அக்டோபர் 26 முதல் 30 வரை பங்கேற்கவுள்ளனர்.
மலேசிய அழகியல் ஜிம்னாஸ்டிக்ஸ் குழும சங்கத்தின் (MAGGA) துணைத் தலைவர் டத்தோ ராதா கிருஷ்ணன் இன்று வெளியிட்டுள்ள அறிக்கையில், மலேசியா, 200 விளையாட்டு வீரர்களை போட்டியில் பங்கேற்க அனுப்பும் எனத் தெரிவித்தார்.
முன்னதாக ஐரோப்பிய கண்டத்தில் நடைபெற்ற இந்த மதிப்புமிக்க நிகழ்வை மலேசியா நடத்துவது மிகப்பெரிய கவுரவம் என்று அவர் கூறினார்.
அமெரிக்கா, ஐரோப்பா மற்றும் சில ஆசிய நாடுகளில் அழகியல் ஜிம்னாஸ்டிக்ஸ் மிக வேகமாக வளர்ந்து உள்ளதாகவும், ஆறு ஆண்டுகளுக்கு முன்பு நிறுவப்பட்ட MAGGA பல தேசிய போட்டிகள் ஏற்பாடு செய்து, 2018 மற்றும் 2019 ஆம் ஆண்டு உலக கோப்பை போட்டிகளுக்கு தனது விளையாட்டு வீரர்களை அனுப்பியுள்ளது.
