கோலாலம்பூர், ஜனவரி 13 – 2024 மலேசிய பேட்மிண்டன் ஓபனில் மலேசிய விளையாட்டாளர்கள் ஒட்டுமொத்த செயல் திறனுக்காக தேசிய ஆண்கள் இரட்டையர் பயிற்சியாளர் டான் பின் ஷென் தனது விளையாட்டாளர்கள் ஆரோன் சியா மற்றும் சோ வூய் யிக் ஆகியோருக்கு 7/10 மதிப்பெண் வழங்கினார்.
சியா-சோ இன் அவர்களின் விளையாட்டு பாணியில் சில சிறிய தவறுகளை செய்ததை டான் ஒப்புக்கொண்டார், இது 21-16, 18-21, 13-21 என்ற செட் கணக்கில் தென் கொரியாவைச் சேர்ந்த உலக சாம்பியனான காங் மின் ஹியூக்-சியோ சியுங் ஜேவால் காலிறுதியில் தோற்க காரணமாக இருந்தது என்கிறார்.
“முக்கியமான 11-10 (மூன்றாவது செட்) மிகவும் முக்கியமானது, ஏனென்றால் அவர்கள் எளிதான தவறுகளைச் செய்யத் தொடங்கியவுடன், அது எதிரணிக்கு நம்பிக்கையை தந்தது,” என்று அவர் போட்டிக்குப் பிறகு செய்தியாளர்களிடம் கூறினார்.
உலக அரங்கில் 2018 பதிப்பில் தேசிய பேட்மிண்டன் ஜாம்பவான் டத்தோ லீ சோங் வெய் ஒரு இடத்தை வென்ற கடைசி உள்ளூர் வீரரானார். அதன் பிறகு, 2022 உலக சாம்பியன்கள் சந்தித்த தோல்வி, மலேசியா சொந்த மண்ணில் கூட வெற்றி பெற முடியாதது பெரும் ஏமாற்றமே என்றார்.
தொழில்முறை ஜோடியான ஓங் யூ சின்-டியோ ஈ யும் நேற்று இதே இடத்தில் 2022 சாம்பியன் ஜப்பானைச் சேர்ந்த டகுரோ ஹோக்கி-யுகோ கோபயாஷியின் கைகளில் 15-21, 9-21, 34 நிமிடங்களில் வீழ்ந்தனர்.
2024 ஆம் ஆண்டு பாரிஸில் நடைபெறவுள்ள ஒலிம்பிக் போட்டிகளுக்கான தகுதிப் போட்டியில் சியா-சோவின் நிலையை உறுதிப் படுத்த குறைந்தபட்சம் காலிறுதியை எட்டினால் போதுமா என்ற கேள்விக்கு, முன்னாள் தேசிய வீரரான அவர் நம்பிக்கையுடன் இருக்கிறேன், டோக்கியோ 2020 இன் வெண்கலப் பதக்கம் வென்றவர்களுக்கு மதிப்புமிக்க உலகளாவிய விளையாட்டு நிகழ்வில் பிரகாசமான வாய்ப்பு இருப்பதாக கூறுகிறார்.
ரேஸ் டு பாரிஸ் தரவரிசையின் அடிப்படையில், சியா-சோ தற்சமயம் முதல் தரவரிசை தேசிய ஜோடியாக உருவெடுத்து, 83,854 புள்ளிகளுடன் நான்காவது இடத்தில் அமர்ந்துள்ளார்.
ஒரு நாடு முதல் எட்டு இடங்களுக்குள் இருந்தால், ஒலிம்பிக் போட்டிகளில் ஒவ்வொரு பிரிவிலும் அதிகபட்சமாக இரண்டு பிரதிநிதிகள் இருக்க முடியும்.
கடந்த ஆண்டு மே மாதம் தொடங்கிய ரேஸ் டு பாரிஸ் தகுதித் தேர்வு ஏப்ரல் 28 ஆம் தேதி முடிவடைகிறது.
2024 ஒலிம்பிக் போட்டிகள் ஜூலை 26 முதல் ஆகஸ்ட் 11 வரை நடைபெற உள்ளது.
இதற்கிடையில், அகாடமி பேட்மிண்டன் மலேசியா (ஏபிஎம்) பயிற்சி இயக்குனர் ரெக்ஸி மைனகி மலேசியாவின் தோல்விக்கு தார்மீக பொறுப்பேற்றுள்ளார். இவ்வாண்டு மலேசிய ஓபனில் தேசிய விளையாட்டாளர்கள் தோல்விக்கு மன்னிப்பு கேட்டார்.
ரசிகர்கள் மற்றும் பிஏஎம் ஸ்பான்சர்களின் ஏமாற்றத்தைப் புரிந்து கொண்டாலும், வீரர்களை ஊக்குவிப்பதன் மூலம் சிறப்பாக செயல்பட தீர்மானித்துள்ளோம், குறிப்பாக ஜனவரி 11 முதல் ஜனவரி 14 வரையிலான இந்திய ஓபன் மற்றும் ஜனவரி 23 முதல் – 28 வரை. இந்தோனேசிய மாஸ்டர்ஸ் ஆகிய இரண்டு போட்டிகளில் தவறுகளைச் சரி செய்ய அவர்கள் உறுதியாக உள்ளதாக அவர் கூறினார்.
“வீரர்கள் அவர்கள் பங்கேற்கும் ஒவ்வொரு போட்டியிலும் தங்கள் கடைசிவரை போராடுவார்கள் என்று நம்புகிறேன். உங்களால் முடியும் என்று சொல்லிக் கொள்ளுங்கள், மேலும், களத்தில் ஒரு சிங்கமாக நின்று போராடுவோம், ஏனென்றால் ஒவ்வொரு அடியும் முக்கியம். உங்கள் கனவை அடைய வேறு எளிதான வழி ஏதுமில்லை. உலகம் முழுவதும் உள்ள வீரர்களும் உங்களைப் போலவே கனவு காண்கிறார். கடவுள் ஆசீர்வதிக்கட்டும், ”என்று அவர் இன்று இன்ஸ்டாகிராமில் கூறினார்.
