ஷா ஆலம்: 22 ஆக: இப்பொழுது சிகிச்சைக்கு வந்த 22,262 புதிய கோவிட் -19 தொற்றுகளில் மொத்தம் 18,374 அல்லது 82.5 சதவிகிதம் தடுப்பூசி பெறவில்லை அல்லது இரண்டு டோஸ்களை முழுமையாக பெறவில்லை என்று கண்டறியப்பட்டுள்ளது என்று சுகாதார இயக்குனர் நேற்று கூறினார்.
டான் ஸ்ரீ டாக்டர் நூர் ஹிஷாம் அப்துல்லா தொற்றை 5 வகையாக பட்டியலிட்டார். பிரிவினர் ஒன்று, அறிகுறியற்றது, அதிக எண்ணிக்கையில் 9,035 தொற்றுகள் பதிவாகியுள்ளன, பின்னர் வகை இரண்டு (லேசான அறிகுறிகளுடன்) 8,933.
மூன்றாவது வகைக்கு (நிமோனியா காச்சல் கண்டது) 175 நோயாளிகள் , வகை நான்கு (ஆக்ஸிஜன் உதவி தேவை) 67 மற்றும் வகை ஐந்து முக்கியமானவை, வென்டிலேட்டரைப் பயன்படுத்தவும் அளவு தீவிரமானது 164. “கடுமையான தொற்றுநோய்களின் அபாயத்தைக் குறைக்க ஒவ்வொருவரும் தடுப்பூசியைப் பெறுங்கள்.
இது நாட்டில் கோவிட் -19 தொற்றுநோயைக் குறைக்கும், குறிப்பாக மூன்று முதல் ஐந்து பிரிவுகளில் நோயாளிகள் செல்வதை தவிர்க்க உதவும் “என்று அவர் கூறினார்.
இதற்கிடையில், டாக்டர் நூர் ஹிஷாம் நேற்று மொத்தம் 223 இறப்புகள் பதிவாகியுள்ளதாகவும், சிலாங்கூரில் 77 இறப்புகள் பதிவாகியுள்ளதாகவும் கூறினார். அதைத் தொடர்ந்து சபா (27), கெடா (23), பினாங்கு (20), கோலாலம்பூர் மற்றும் மலாக்கா (18), ஜோகூர் (14), நெகிரி செம்பிலான் (11), பேராக் (ஏழு), பஹாங் (ஐந்து), சரவாக் ( இரண்டு).) மற்றும் புத்ராஜெயா (ஒன்று).
