கோலாலம்பூர், ஏப்ரல் 20 – பினாங்கில் உள்ள சுங்கை பக்காப்பில் உள்ள தற்காலிக குடிநுழைவுத் தடுப்புக் கிடங்கில் இருந்து இன்று அதிகாலை 4.30 மணியளவில் மொத்தம் 528 ரோஹிங்கியா கைதிகள் தப்பியோடினர்.
மொத்தம், 362 பேர் மீட்கப்பட்டதாகவும், மீதமுள்ள சட்டவிரோதக் குடியேறிகளைக் கண்டறியும் முயற்சிகள் மேற்கொள்ளப்பட்டு வருவதாகவும் குடிநுழைவுத் துறை தலைமை இயக்குநர் டத்தோஸ்ரீ கைருல் டிசைமி டவுட் ஒரு அறிக்கையில் கூறினார்.
“தடுப்பின் கதவு மற்றும் தடுப்பு கிரில்லை உடைத்துவிட்டு தப்பினர். பணியில் இருக்கும் அதிகாரிகள், காவல்துறை மற்றும் தொடர்புடைய நிறுவனங்களைத் தொடர்பு கொண்டு உதவிக்காக நிலையான செயல்பாட்டு நடைமுறைகளை செயல்படுத்தியுள்ளனர்.
“தப்பியோரின் இருப்பிடம் பற்றிய தகவல்களைக் கொண்ட பொதுமக்கள் உடனடியாக குடிவரவுத் திணைக்களம் அல்லது போலிசாருக்குத் தெரிவிக்குமாறு கேட்டுக் கொள்ளப்படுகிறார்கள்,” என்று அவர் கூறினார்.
